Masseur li jaħdem f’lukanda qal klijenta li kien se jagħtiha “massage speċjali” meta kien qed iwettaq atti intimi fuqha. Il-klijenta, turista Ingliża, skomda għall-aħħar qaltlu li kull ma riedet kien massage normali u meta waqfitlu bidel l-attitudni tiegħu magħha.
Harikrishna Manhasseri, Indjan ta’ 25 sena, residenti l-Imġarr, tpoġġa taħt sentejn probation mill-Maġistrat Leonard Caruana wara li ammetta li wettaq atti ta’ natura sesswali fuq tfajla Ingliża waqt li kien qed jagħtiha massage fil-lukanda.
Il-Qorti, jaħdem fi spa ta’ l-istess lukanda kien qed jagħmilha massage. Il-vittma, ma ħadet pjaċir xejn bl-aġir tiegħu għamlet rapport lill-Pulizija nhar it-Tlieta, bil-każ iseħħ is-Sibt li għadda li għadda filgħaxija. Fix-xhieda li tat l-Ingliża permess ta’ video conference fl-awla numru 14 tal-Qorti, hija qalet li meta daħlet fil-kamra, il-masseur talabha tneħħi x-xugaman u toqgħod wiċċha ‘l isfel.
Ftit wara talabha ddur wiċċha ‘l fuq u beda jmissilha sidirha u kien hawn li bdiet tħossha skomda imma ma qalet xejn għax ħasbet li dan huwa parti mill-massage. Kompliet tgħid li wara talabha tneħħi l-ħwejjeġ ta’ taħt iżda hi rrifjutat. Qalet li spjegalaha li dan huwa massage speċjali u beda jmissilha l-parti intima tagħha iżda ma kienx hemm penetrazzjoni.
Kif għamel hekk qaltlu li ma tridx dan il-massage li huwa sejjaħlu speċjali u minnufih neħħa idu. Minn hemm ‘l quddiem u beda jimmassaġalha għonqa b’mod goff. Meta rat hekk talbitu jieqaf u wara li spiċċa għamlet rapport lill-Manager tal-lukanda, li minn naħa tiegħu għenha tieħu passi legali.
L-Indjan ammetta l-akkużi miġjuba kontrih. Il-Qorti għalhekk sabitu ħati u poġġietu taħt probation għal sentejn b’diversi kundizzjonijiet. Il-Maġistrat Caruana, poġġa lill-ħati taħt ordni ta’ probation ta’ sentejn, u ordna lil kwalunkwe uffiċjal tal-probation futur biex jikkunsidra jekk ir-raġel kellux bżonn kura għal xi kundizzjoni partikolari li jista’ jevalwa.
“Din mhix sentenza ta’ qiesu ma ġara xejn u barra mill-ħabs. Dan ma jfissirx li hu liberu li jagħmel li jrid,” spejga il-Maġistrat lill-interpretu li kien qed jittraduċi. Jekk kellu jagħmel reat f’dawn is-sentejn, il-qorti terġa’ tiftaħ il-każ u tagħti piena għaż-żewġ reati.
Il-Qorti ħarġet ukoll ordni ta’ trażżin ta’ sentejn, fejn wissiet lill-akkużat li ma kellu javviċina jew jikkomunika mal-vittma bl-ebda mod. L-Ispettur Christian Cauchi mexxxa l-Prosekuzzjoni, assistit mill-avukati mill-iuffiċċju tal-AĠ Darlene Grima u Danika Vella.
