Is-seba’ darbiet champion tal-Kampjonat tal-Formula 1, il Britanniku Lewis Hamilton ingħata c-cittadinanza onorarja tal-Brazil. Dan l-unur kien ippreżentat lil Hamilton mill-ispeaker Arthur Lira waqt seduta tal-Kamra tad-Deputati fil-kapitali Brasilia.
Wara l-preżentazzjoni Lewis Hamilton ikkummenta illi dan l-unur iddedikah lil Ayrton Senna li kien miet traġikament fil-Gran Prix ta’ San Marino fl-1994 u li kien rebaħ il-Kampjonat tal-F1 tlett darbiet. Hamilton qal li Senna kien l-idolu tiegħu fi ckunitu u li l-wirjiet tiegħu kienu ħajjruħ biex jibda karriera fil-F1 li matulha rebaħ il-Kampjonat seba’ darbiet. Lewis Hamilton rebaħ il-Gran Prix tal-Brazil tlett darbiet fl-2016 , 2018 u fl’2021.
