”Ħafna mil-logħbiet qed jiġu deċiżi fl-aħħar ħinijiet” – Oliver Spiteri

‘Rebħa ta’ kontinwità’

• Branko Nisevic, kowċ Ħamrun Spartans FC

‘Din kienet rebħa ta’ kontinwita fejn il-konsistenza hija l-aktar ħaġa importanti.’ Dawn kienu l-ewwel kliem li lissen il-kowċ ta’ Ħamrun Spartans Branko Nisevic wara r-rebħa li t-tim tiegħu kiseb kontra Balzan. Huwa kompla. ‘ Illum kienet logħba diffiċli wara kollox kif stennejna. Kien hemm il-fattur tat-temp u l-pitch ukoll. Imma kellna kontroll tajjeb tal-logħba u dejjem emmint li ridna nkunu paċenzjużi u l-gowl finalment jasal.  Fil-fatt qatt ma’ konna nervużi.’ Mistoqsi finalment dwar is-sostituzzjonijiet li għal darb’oħra kienu determinanti huwa għalaq hekk. ‘L-iskwadra hija magħmula minn players ta’ talent. Il-ġimgħa l-oħra kien Luke u din il-ġimgħa Jonny. Players li ġieli bdew il-logħba wkoll. Imma dak  huwa s-sabiħ ta’ din l-iskwadra.’

‘Ħafna mil-logħbiet qed jiġu deċiżi fl-aħħar’

• Oliver Spiteri, kowċ Balzan

‘Kellna numru ta’ players regolari neqsin u dan kompla jagħmel il-logħba aktar diffiċli għalina’ Hekk ikkummenta l-kowċ ta’ Balzan Oliver Spiteri wara t-telfa kontra Ħamrun Spartans. Spiteri kompla, ‘ Imma minkejja kollox kellna partita tajba. Ħamrun prattikament l-uniku xutt li taw lejn il-lasta kien il-gowl li bih rebħu l-logħba.  Fl-ewwel taqsima l-aħjar ċans wasal f’saqajna b’xutt ta’ Jalu li Bonello salva. Imma vera tlifna iżda hemm ħafna pożittiv. Huwa kampjonat iebes u diffiċli fejn qed ikun hemm ħafna logħob bilanċjat. Fil-fatt ħafna mil-logħbiet qed jiġu deċiżi fl-aħħar ħinijiet.’

LOGĦOB LI JMISS

Is-Sibt 12 ta’ Novembru, 2022

Centenary Stadium

2.00pm            B’Kara – Gżira Utd.

4.30pm            Żebbuġ R. – Ħamrun S.

Tony Bezzina Stadium

2.00pm            Hibernians – Pieta H.

4.30pm            Sta Lucia – Valletta

Il-Ħadd 13 ta’ Novembru, 2022

Centenary Stadium

11.30am          Gudja Utd. – Floriana

Tony Bezzina Stadium

2.00pm            Balzan – Mosta

4.30pm            M’Xlokk – Sirens