”It-tliet punti kienu importanti sabiex nibqgħu nżommu post f’nofs il-klassifika” – Joe Grech (kowċ ta’ Mosta)

‘Konna sfortunati imma dik parti mil-logħba’

• Oliver Spiteri, kowċ Balzan FC

‘Meta titlef qatt ma’ tista tkun kuntent. Imma l-pożittiv huwa li l-prestazzjoni kienet waħda tajba.’ Dawn kienu l-ewwel kummenti tal-kowċ ta’ Balzan Oliver Spiteri wara t-telfa li t-tim tiegħu sofra kontra Mosta. Huwa kompla hekk. ‘ Illum il-fortuna ma’ kienetx fuq in-naħa tagħna. Konna sfortunati imma dik hija parti mil-logħba wkoll. Jekk il-ballun jgħidlek ma’ jridx jidħol ma’ jidħolx. Issa rridu nħarsu lejn il-logħbiet li jmiss. Inkomplu naħdmu sabiex nieħdu l-punti mill-konfronti kontra Gżira u Birkirkara qabel jintemm l-ewwel rawnd. Nirranġaw l-iżbalji tagħna imma jidher ċar li l-players qed jagħtu l-massimu. Vera li għandna nixfa ta’ gowls u hemm fejn l-aktar li rridu nirranġaw.’

‘Bejn it-timijiet ma’ tantx hemm x’tagħżel’

• Joe Grech,  kowċ Mosta FC

‘Kienet logħba li konna qed inħarsu lejha bħala waħda importanti għall-fini tal-klassifika.’ Kliem il-kowċ Mosti Joe Grech wara r-rebħa li t-tim tiegħu kiseb kontra Balzan bl-iskor ta’ 2-1. Grech kompla jżid. ‘It-tlett punti kienu importanti sabiex nibqgħu nżommu post f’nofs il-klassifika. Bejn it-timijiet ma’ tantx hemm x’tagħżel. Fil-fatt b’sinċerita ngħid li Balzan kienu aħjar illum. Ovjament daħqitilna xi ftit il-fortuna. Imma l-futbol huwa hekk. Daqq fuq u daqqa taħt.  Irridu issa nibdew nippreparaw għaż-żewġ logħbiet li jmiss biex intemmu l-ewwel rawnd fuq nota pożittiva u f’pożizzjoni komda’

LOGĦOB LI JMISS

Il-Ħadd 27 ta’ Novembru, 2022

Centenary Stadium

11.00am     –     Żebbuġ R. – Ħamrun S.(tieni taqsima)

Is-Sibt 3 ta’ Diċembru, 2022

Centenary Stadium

1.00pm       –     Gżira Utd.- Balzan

Stadium Nazzjonali

12.00pm     –     Sirens – Hibernians  

2.15pm      –      Floriana – M’Xlokk

Il-Ħadd 4 ta’ Diċembru, 2022

Centenary Stadium

11.30am     –     Ħamrun S. – Sta Lucia

2.00pm      –      Mosta – Żebbuġ R.

Stadium Nazzjonali

11.30pm     –     Pieta H. – B’Kara

2.00pm        –    Valletta – Gudja Utd.