Il-parlament selllem lill-ex Segretarju Parlamentari u ex deputat Nazzjonalista Tony Abela b’ċerimonja li fiha Tony Abela kien deskritt bħala politiku li ta servizz kbir lill-poplu bil-politika.
F’din iċ-ċerimonja, li għaliha attendew il-familjari ta’ Tony Abela, tkellmu d-Deputat Prim Ministru Chris Fearne, l-Ispeaker Anġlu Farrugia u l-Kap tal-Oppożizzjoni Bernard Grech.
Id-Deputat Prim Ministru Chris Fearne qal li Tony Abela ta kontribut kbir fil-PN u fil-parlament f’diversi kumitati kif ukoll bħala Segretarju Parlamentari. Hu sostna li n-neputijiet kienu tant għeżież galih.
Il-Kap tal-PN Bernard Grech qal li Tony Abela kien ħabib, kien iħobb u kien ta’ servizz kemm bħala politiku kif ukoll bħala nutar fejn għamel ħafna xogħol b’xejn biex jgħin lin-nies. Hu sostna li Tony Abela kien dejjem viċin in-nies u jgħinhom fil-problemi li kien ikollhom.
Il-Kap tal-PN sostna li Tony Abela kien bniedem li ħafna min-natura tiegħu ma tidhirx; bniedem ta’ ftit kliem li ħabb il-politika u ta servizz kbir lill-PN u lill-poplu Malti.
Tony Abela ta servizz kbir fir-Rabat fil-komunitajiet tal-lokal fosthom ir-Rabat Ajex FC; Tony kien bniedem ta’ riferiment. Kein biedem li tista’ tmur għandu u ssib xi tip ta’ soluzzjoni u kenn, sostna Bernard Grech, li kompla li dan kien legat sabiħ mimli b’memorji sbieħ.
Il-Kap tal-PN rringrazzja lill-familja Abela li silfet lil Tony lill-PN, lill-parlament u lill-poplu biex jagħti servizz lill-poplu kollu.
L-Ispekear Anġlu Farrugia qal li kien jaf lil Tony Abela fl-1977 meta kien miet missieru Sam Abela. Hu kompla li Tony Abela kien bniedem solidali ħafna li kien ipoġġi l-familja bħala prijorità.
