Emendi fil-liġi jafu jwasslu biex f’Malta jiddaħħal l-abort jekk l-omm tkun f’riskju.
Dan ħabbru Chris Fearne tul konferenza tal-aħbarjiet li twasslet fil-Parlament, fejn intqal li l-ġimgħa d-dieħla il-Parlament se jkun qed jiddiskuti dawn l-emendi.
Intqal din l-emenda addizzjonali għall-kodiċi kriminali biex tabib li jagħmel intervent mediku biex itemm tqala li permezz tiegħu jsalva l-ħajja tal-omm li tkun f’riskju serju u l-omm li jsirilha dan l-intervent, ma jibqgħux ikunu soġġetti għal proċeduri kriminali.
Il-Gvern qal li din ir-riforma qed issir fid-dawl tal-każ tal-Amerikana Andrea Prudente li kellha 16-il ġimgħa tqala u li affaċjat ċirkostanzi mediċi diffiċli u talbet li jsir abort.
Eventwalment hija ġiet trasferita lejn Spanja fejn għamlet abort.
Fil-konferenza ntqal li jeżistu sitwazzjonijiet bħal każiijet ta’ kanċer li jeħtieġ kura aggressiva, tqala fit-tubu u mhux fil-ġuf jew jinfaqa’ l-ilma kmieni ħafna waqt it-tqala u l-omm ikollha periklu serju għal saħħitha jew saħansitra li tmut.
F’kazijiet fejn it-tarbija tkun laħqet mietet, ikun hemm korriment, isir laxkament u allura m’hemmx problemi mil-lat legali.
