Il-Ħamis intlgħabet logħba oħra mill-FA Trophy, biż-żewġ timijiet fl-azzjoni jkunu dawk miċ-Challenge League, Swieqi United u Fgura United. It-tim ta’ Swieqi aċċerta passaġġ għar-rawnd li jmiss wara li għelbu lit-tim ta’ Fgura U bi tlett goals skurjati fl-ewwel taqsima.
It-tim immexxi minn Steve Damato mar fil-vantaġġ fid-9 minuta minn David Garba, filwaqt li Anthony Bartolo rdoppja l-iskor tliet minuti wara. Fis-36 minuta Swieqi żiedu l-iskor minn auto goal ta’ Miguel Tabone għal riżultat finali ta’ 3-0.
Il-logħob ikompli fi tmiem il-ġimgħa fil-gżira Għawdxija b’dawn il-logħbiet:
Is-Sibt – Kerċem Stadium
15:30 – Xewkija Tigers vs Lija Athletic
Il-Ħadd – Kerċem Stadium
12:15 – Kerċem Ajax vs Masaskala
14:45 – Għajnsielem vs Qrendi
It-Tlieta – Krċem Stadium
18:00 – Sannat Lions vs Qala Saints
