Iċ-Ċittadella t’Għawdex rebħet il-Public Choice Award tar-Regiostars ta’ din is-sena. Dan il-proġett kien ilu li beda mill-2009, u kien jinkludi r-restawr estensiv li sar fuq is-swar taċ-Ċittadella, il-konsolidazzjoni tal-istess swar u Masterplan uniku li kien tnieda 13-il sena ilu.
Il-proġett taċ-Ċittadella twettaq b’investiment ta’ aktar minn €14-il miljun, li minnhom madwar €12-il miljun kienu mill-Fond Ewropew għall-Iżvilupp Reġjonali.
Dan il-proġett kien xprunat mill-eks Ministri Nazzjonalisti Giovanna Debono u George Pullicino, u tkompli fl-aħħar snin mill-Gvern Laburista grazzi għall-fondi Ewropej.
Il-Public Choice Award huwa unur li fih innifsu jirrikonoxxi l-impenn enormi li sar minn diversi restawraturi, u ħaddiema li taw sehemhom tul is-snin fiċ-Ċittadella.
