44 persuna nqabdu li qed jgħixu f’pajjiżna b’mod irregolari f’spezzjonijiet li saru Marsalforn.
Il-Ħadd filgħodu, il-Pulizija assistiti minn uffiċjali tas-Servizzi ta’ Detenzjoni, komplew bi spezzjonijiet b’rabta ma’ immigrazzjoni irregolari.
L-ispezzjonijiet saru f’Marsalforn u nstabu 44 persuna jgħixu fil-pajjiż b’mod irregolari. Dawn il-persuni – mill-Ghana, min-Niġerja, mis-Sirja, mill-Gambja, mit-Togo, mill-Albanija, mill-Pakistan u mill-Burkina Faso – ittieħdu f’Ċentru ta’ Detenzzjoni fejn beda l-proċess sabiex ma jibqgħux fil-pajjiż.
Dawn l-ispezzjonijiet se jkomplu fil-jiem u ġimgħat li ġejjin.
