Max Verstappen, champion tad-dinja, rebaħ l-aħħar tiġrija tal-istaġun li saret f’Abu Dhabi biex temm staġun mill-aqwa kif jixraq b’rebħa li tikkonferma li kien l-aqwa fost is-sewwieqa tal-Formua 1.
Verstappen żamm l-ewwel post li beda t-tellieqa fih u ma ta l-ebda ċans lis-sewwieq ta’ Ferrari Charles Leclerc li fil-klassifika finali spiċċa wkoll warajħ fit-tieni post.
Sieħeb Verstappen fuq Red Bull Sergio Perez kiseb l-aħħar post fuq il-podju meta daħal fit-tielet post segwit minn Carlos Sainz ta’ Ferrari u George Russell ta’ Mercesdes fir-raba’ u l-ħames post rispettivament.
L-aħħar telieq tal-istaġun kienet tfisser ukoll l-aħħar tellieqa fil-karriera ta’ Sebastian Vettel hekk kif huwa ħabbar li kien ser jrtira wara 16-il sena jsuq fil-Formula 1. Vettel rebaħ il-kampjonat erba’ darbiet konsekuttivi bejn l-2010 u l-2013.
