minn Colin Schembri
Hibernians……….75
Fusion Quest…..45
(20-17)(15-20)(24-5)(16-3)
Hibernians ħadu l-ewwel rebħa fil-kampjonat għalkemm ma tiswiex għal klassifika hekk kif huma għelbu lil Fusion Quest 75-45. Minkejja d-distakk finali ta’ 30 punt, Hibs kellhom jistennew sa’ wara l-intervall biex jieħdu l-partita f’idejhom hekk kif Fusion żammew il-pass magħhom fl-ewwel żewġ taqsimiet. Wara bidu bilanċjat fejn Hibs kienu basket minn fuq, Fusion kellhom run ta’ 10-0 fosthom żewġ trippli minn Marija Momcilovic u Milica Stefanovic biex marru 14-6 minn fuq. Ir-risposta ta’ Hibs ukoll ġiet bi break ta’ 12-0 bi trippla ta’ Sam Brincat u punti ta’ Julija Dabic u Ashleigh Van Vliet. Fusion kellhom trippla oħra minn Julia Schembri però Hibs temmew l-ewwel sessjoni 20-17 minn fuq. Fit-tieni perjodu kien hemm seba’ punti mingħajr risposta minn Hibs fosthom trippla ta’ Jasmine Abela. Fusion baqgħu jirrispondu bit-three pointers minn Schembri u Stefanovic għalkemm Hibs żammew il-vantaġġ hekk kif kellhom aktar punti minn Dabic u Van Vliet. Fusion kellhom mument tajjeb ieħor b’run ta’ 9-3 bit-trippli oħra ta’ Stefanovic b’Iona Agius ukoll tagħmel trippla għal Hibs. Wara basket ta’ Naomi Farrugia għal Hibs, Schembri għamlet trippla għal Fusion li daħlu jistrieħu minn fuq 37-35.
Wara l-intervall il-partita nbidlet u wara li Hibs għamlu l-iskor indaqs 41-41, huma komplew b’run ta’ 18-1 fejn kellhom it-trippli minn Abela u Kaya Calleja flimkien mal-baskets ta’ Kirsty Caruana u Eliza Farrugia għal skor ta’ 59-42. Il-partita kompliet bl-istess andament fir-raba’ taqsima bil-Hibs jibdew bi trippla ta’ Naomi Farrugia f’run oħra ta’ 12-0 u Fusion jsibu diffikulta biex jagħmlu l-punti. Hibs għalqu l-partita bill-punti ta’ Kelly Conti u Brincat biex ħarġu rebbieħa 75-45.
Hibernians: E. Farrugia 4, I. Agius 7, A. Van Vliet 10, S. Brincat 6, B. Agius, J. Abela 8, N. Farrugia 7, K. Caruana 8, K. Conti 4, K. Calleja 3, J. Dabic 18, M. Mendez.
Fusion Meridianbet: D. Debono, M. Momcilovic 5, J. Schembri 8, M. Stefanovic 15, E. Pace, D. Apostolovska, T. Azzopardi Deguara 1, A. Caballero 5, N. Pejcic 7, Z. Milidrogovic 4.
Referees: Bernard Vassallo, Ionut Ciurariu
.
Starlites FIJO 69
ARMS Depiro 58
(18-14)(17-11)(19-17)(15-16)
Starlites FIJO baqgħu mhux megħluba dan l-istaġun meta kisbu r-raba’ rebħa tal-kampjonat kontra ARMS Depiro 69-58. Huma kienu diġa għelbu lil Depiro fis-shield fejn għal Depiro din kienet it-tieni telfa tal-kampjonat. Starlites fetħu tajjeb mall-ewwel għalkemm f’xi mumenti Depiro resqu viċin. Trippla ta’ Christina Curmi fetħet il-partita f’run ta’ 11-4 minn Starlites fejn kien hemm ukoll il-punti ta’ Steffi De Martino, Mariah Fenech u Amelia Simmons. Depiro kellhom risposta b’żewġ trippli minn Nicole Agius u Casey Samuels u għal darbtejn waslu sa’ punt ‘l bogħod. Starlites għalqu s-sessjoni fuq quddiem wara l-aħħar punti minn Fenech u Mikela Riolo 18-14. Fit-tieni perjodu Starlites kabbru l-vantaġġ għal 10 punti 29-19 hekk kif Fenech kompliet bil-punti tagħha. Depiro kellhom il-punti minn Leanne Duncan u Samuels però Starlites daħlu jistrieħu 10 minn fuq 35-25.
Fit-tielet sessjoni kien hemm l-aħjar mument ta’ Depiro fejn wara li Starlites fetħu bi trippla ta’ Michela Zammit Cordina, huma għamlu run ta’ 14-3 bi trippli ta’ Samuels u Agius biex waslu sa’ basket ‘l bogħod 39-41. Starlites irkupraw fost l-oħrajn bit-trippli ta’ Riolo u Zammit Cordina biex reġgħu fetħu vantaġġ ta’ 12 -il punt 54-42. Fl-aħħar sessjoni Starlites baqgħu fil-kontroll wara trippla fuq kull naħa minn Curmi u Samuels. Depiro waslu sa’ sitt punti ‘l bogħod 56-62, però ma rnexxielhomx ikomplu jnaqqsu d-distakk hekk kif Starlites għalqu l-partita bil-punti ta’ Curmi, De Martino u Simmons għal skor finali ta’ 69-58.
Starlites FIJO: M. Zammit Cordina 10, M. Riolo 7, A. Saliba 5, M. Sciberras, S. De Martino 4, M. Fenech 11, A. Simmons 11, C. Cilia 6, S. Davies, C. Curmi 15.
Depiro: N. Agius 14, J. Xerri 3, J. Mallia, L. Duncan 6, C. Ciantar 5, N. Hili, C. Samuels 23, J. Magri, J. Borg 6, C. Fenech 1, L. Camilleri, E. Cassar.
Referees: Fiorentina Ciurariu, Julie Londono, Nicky Azzopardi
