Persuna inqatlet u raġel jinsab maħrub wara sparatura li seħħet fiz-Zona Industrijali ta’ Kordin.
Net News jista’ jikkonferma li l-Pulizija bħalissa għaddejja bi tfittxija għall-aggressur u l-karozza li allegatament intużat f’din l-isparatura. Bis-sorsi tagħna jindikaw illi l-vittma hija mara. Fil-fatt, mhux eskluż li dan seta’ kien każ ta’ vjolenza domestika li eskala fl-aħħar jiem.
Dan is-sit jista’ jikkonferma li sal-bieraħ stess, il-vittma kienet għamlet rapport lill-Pulizija dwar l-allegat abbuż li kienet qed tirċievi.
Kollox beda kmieni dalgħodu, meta daħlet telefonata fid-Depot li kien seħħ inċident biswit il-Moskea ta’ Raħal Ġdid, ħdejn l-MCAST. B’rapporti jindikaw li instemgħu ukoll xi sparaturi.
Fil-post waslu uffiċjali tal-RIU, ambulanza kif ukoll Pulizija tad-Distrett.
Sorsi oħra ikkonfermaw ma’ Net News li l-vettur tar-raġel kienet ilha ipparkjata fiz-zona aktar minn kwarta qabel seħħ il-qtil. Jidher ukoll li ġie sparat aktar minn tir wieħed.
//= $special ?>