Huma tmienja l-vittmi konfermati sa issa wara t-traġedja li laqtet il-gżira Taljana ta’ Ischia fi tmiem il-ġimgħa. Dan filwaqt li għadha għaddejja tfittxija għal ħames persuni oħra li għadhom neqsin.
It-tminn vittma – li huwa raġel – instab mis-servizzi ta’ emerġenza kmieni dalgħodu.
Bħalissa, is-sitwazzjoni hija ġirja kontra l-ħin. Tant li mal-membri tal-Protezzjoni Ċivili ingħaqdu wkoll mijjiet ta’ volontiera li qed jgħinu kif jistgħu; b’uħud qed ineħħu t-tajn anke b’idejhom stess.
L-aktar zona milquta minn din il-valanga kienet Casamicciola, fejn għexieren spiċċaw mingħajr saqaf fuq rashom.
//= $special ?>