Ċelebrazzjoni ta’ ħajjet Robert Arrigo. Ċelebrazzjoni ta’ Robert Arrigo fis-settur turistiku.
Il-Ġimgħa, il-familja Arrigo organizzat attività li tfakkar il-50 sena ta’ Robert Arrigo fis-settur tat-turiżmu; snin mimlija ħidma u suċċess fejn xhieda ta’ dan kienet din l-attività li primarjament kien Robet Arrigo stess li beda jippjanaha.
L-aħħar attività bħal din kienet saret fl-2019, b’uliedu jgħidu li qatt ma kien hemm ħsieb li huma jwasslu xi diskors f’attività simili.
Għal din l-okkazjoni kienu mistiedna għadd ta’ membri distinti, inkluż il-Kap tal-PN Bernard Grech illi faħħar il-memorja ta’ Robert Arrigo; persuna li kont issibu dejjem lest biex jgħin.
Il-Kap tal-PN qal li Robert Arrigo kien persuna li dejjem żamm kellmtu, kien determinat u kien pijunier tad-defenizzjoni tal-irġulija.
Fid-diskorsi wkoll issemma’ wieħed mill-motos li kien jemmen fih Robert Arrigo.. fittex u irnexxi, kliem li Robert kien jgħid spiss u li kienu parti mis-suċċess ta’ ħajtu. Intant il-Ħadd 11 ta’ Diċembru l-familja ta’ Robert Arrigo se tkun qed ittella’ attività oħra, b’risq Puttinu Cares.
