Taljan ta’ 28 sena residenti Birżebbuġa sofra ġrieħi gravi wara li kien involut f’inċident li seħħ ilbieraħ filgħaxija għal xi s-sebgħa fi Triq San Ġorġ, Birżebbuġa.
Mill-ewwel stħarriġ irriżulta li r-raġel intlaqat minn Toyota Ist, li kienet qed tinstaq minn raġel ta’ 56 sena residenti Birżebbuġa.
Ir-raġel ingħata l-għajnuna minn tim mediku, ittieħed l-isptar b’ambulanza u ġie ċċertifikat li sofra ġrieħi gravi.
Il-Pulizija għaddejja bl-investigazzjonijiet fuq il-każ.
