Ħamrun seba’ punti vantaġġ, Marsaxlokk b’rekord negattiv ta’ karti ħomor u d-destin tat-timijiet fin-naħa t’isfel

Bl-attenzjoni tad-dilettanti tal-futbol u anki min mhuwiex fuq-Tazza tad-Dinja li qed issir fil-Qatar, f’Malta kompla mill-ġdid il-Kampjonat Premier bil-ġurnata ta’ qabel tal-aħħar qabel tmiem l-ewwel rawnd. Meta wieħed iħares lejn il-klassifika nsibu li Ħamrun Spartans għandhom vantaġġ ta’ seba’ punti fil-quċċata tal-klassifika. Prattikament id-diskussjoni Kampjonat hija kważi magħluqa. Ovvjament matematikament m’hemm xejn deċiż u fadal. Imma hemm ukoll diversi aspetti oħra li wieħed irid janalizza. Fosthom il-kwalifikazzjoni fl-Ewropa, fejn is-sena li għaddiet din tatna riżultati pożittivi u nkoraġġanti. U hemm id-diskussjoni dwar ir-relegazzjoni fejn hemm timijiet li kważi jafu li l-mawra tagħhom fil-ogħla diviżjoni ser tkun waħda qasira.

F’din l-ewwel fażi tal-Kampjonat spikkaw players bħal Guillaumier ta’ Ħamrun Spartans u l-attakkant ta’ Gżira United Jefferson. Mill-banda l-oħra bl-aspett negattiv naraw li Marsaxlokk spiċċaw jilgħabu b’disa’ players biex s’issa huma kellhom ħames players imkeċċija fi tnax-il logħba. Rekord pjuttost negattiv.

Is-Sibt 10 ta’ Diċembru, 2022

Stadium Nazzjonali

1.00pm            Birkirkara – Balzan

Tony Bezzzina Stadium

1.00pm            Pieta H. – Sirens

Il-Ħadd 11 ta’ Diċembru, 2022

Tony Bezzina Stadium

11.30am          Żebbuġ R. -Gżira Utd.

2.00pm            M’Xlokk – Valletta

Stadium Nazzjonali

2.00pm            Gudja Utd.- Ħamrun S.

Centenary Stadium

2.00pm            Santa Lucia – Mosta

It-Tnejn 12 ta’ Diċembru, 2022

Stadium Nazzjonali

7.30pm            Hibernians – Floriana