Il-kowċ Portugiż Fernando Santos ikkritika l-aġir ta’ Cristiano Ronaldo wara li ġie sostitwit fl-aħħar partita mill-fażi tal-gruppi kontra l-Korea t’Isfel.
Waqt il-konferenza tal-aħbarijiet qabel il-kwartifinali tal-lum, Santos qal li ma għoġbitu xejn ir-reazzjoni ta’ Ronaldo, fejn deher ixengel rasu fuq il-bank tas-sosituti. Intant, matul il-jum ta’ lbieraħ Ronaldo għal darb’oħra kien fost l-istejjer ewlenin, hekk kif bosta siti internazzjonali irrapurtaw li seta’ laħaq ftehim mal-club fl-Arabja Sawdija Al Nassr.
