Waqt li kien qed jindirizza l-midja, id-difensur Ingliż Kyle Walker qal li l-winger Franċiż Kylian Mbapper mhux se jkun qed iwaqqfu milli jirbaħ it-Tazza tad-Dinja.
Walker qal li matul il-karriera tiegħu diġa lagħab kontra Mbappe numru ta’ drabi u minkejja li għaraf l-kwalitajiet tiegħu, l-Ingilterra m’għandhomx biss jiffukaw fuqu. Walker semma kif Franza għandhom numru ta’ players oħra li kapaċi jrebbħu l-partita, bħal Olivier Giroud, Ousmane Dembele u Antoine Griezmann.
Intant, il-midfielder James Madisson qal li jaf li huwa kapaċi jinfluwenza l-partita anke jekk jidħol bħala sostitut. Madisson huwa wieħed mit-tliet players li s’issa għadhom ma lagħbux matul din it-Tazza tad-Dinja għat-tim Ingliż. Partita biss qabel il-players vjaġġaw lejn il-Qatar Madisson kien sofra injury u b’hekk ma kienx fl-aħjar kundizzjoni.
