Il-familji tal-vittmi Awstraljani li kienu mietu waqt l-attakki terroristiċi storiċi fuq in-nightclubs ta’ Bali huma urtati bil-kbir wara li wieħed mill-protagonisti fit-terrur inħeles mill-ħabs wara snin ta’ priġunerija.
Umar Patek kien weħel il-ħabs fuq akkużi li produċa l-bombi li qatlu lil għexieren ta’ innoċenti fiż-żewġ nightclubs u l-awtoritajiet Indoneżjani qed jgħidu li hu, issa, mgħadux isostni twemmin radikali u li mgħadux periklu għas-soċjetà. Madankollu il-ħelsien ta’ Patek qajjem rabja kbira fl-Awstralja li kienet tilfet 88 ċittadin fl-isplużjonijiet tat-12 ta’ Ottubru tal-2002.
Fl-isplużjonijiet kienu mietu xi 202 persuna minn 21 pajjiż, bl-attakki jibqgħu l-agħar każ ta’ terroriżmu fl-istorja tal-Indoneżja.
Patek – li wara l-attakki dam is-snin jiżgiċċa lill-awtoritajiet — kien weħel 20 sena ħabs u fejn kellu jservi biss nofs din is-sentenza. U skont l-awtoritajiet Indoneżjani, it-terrorista kien eliġibbli għall-ħelsien wara li tnaqqsitlu s-sentenza għal ‘imġieba tajba’.
//= $special ?>