Colin Schembri
Caffe Moak Luxol…………….53
Starlites FIJO…………………….45
(16-16)(10-16)(12-5)(15-8)
Il-konfront mistenni bejn l-ewwel żewġ timijiet tal-klassifika, mar favur it-team ta’ Caffè Moak Luxol li permezz ta’ din ir-rebħa ħadu l-ewwel post tal-klassifika bid-differenza tal-baskets kif ukoll għelbu lil Starlites Fijo għall-ewwel darba dan l-istaġun fejn din kienet ukoll l-ewwel telfa għat-team ta’ Charles Bonnici. Starlites li kienu għal darb’oħra mingħajr Maria Bonett għamlu l-ewwel basket tal-partita minn Amelia Simmons bil-Luxol iwieġbu bi break ta’ 10-3 bil-punti ta’ Paula Ellul u Gladiana Avila. Starlites wieġbu bil-punti ta’ Christina Curmi li wkoll kellha trippla però Luxol ukoll kellhom il-punti ta’ Josephine Diaby biex baqgħu fuq quddiem. L-aħħar punti tal-partita ġew minn Starlites permezz ta’ Mikela Riolo li għamlet it-tieni trippla tagħha u ppareġjat il-partita fuq skor ta’ 16-16. Fit-tieni taqsima ż-żewġ timijiet bdew jirrispondu lil xulxin għal ħin twil għalkemm Starlites kellhom break qasir ta’ 7-2 li rahom jiftħu vantaġġ ta’ 4 punti 27-23. Qabel l-intervall, eżatt mall-horn finali, trippla ta’ Catherine Cilia kabbret il-vantaġġ ta’ Starlites għal sitt punti 32-26.
Fit-tielet sessjoni, Luxol ħarġu aktar determinati fejn wara li Simmons għamlet l-ewwel basket, huma kellhom run ta’ 10-0 fosthom baskets minn Mandi Mercieca u Anna Fenech Pace biex marru minn fuq. Cilia kellha trippla oħra għal Starlites però kienu Luxol li għamlu l-aħħar punti minn Avila biex temmew it-taqsima minn fuq 38-37. Fir-raba’ perjodu, Luxol bdew bl-ewwel punti minn Avila u Diaby però Starlites irkupraw u bil-baskets ta’ Curmi u Simmons naqqsu d-distakk għal 3 punti 43-46. Hawn Luxol kellhom mument deċisiv bi tlett baskets mingħajr risposta biex marru disgħa minn fuq u baqgħu sejrin biex rebħu l-partita 53-45.
Caffè Moak Luxol: C. Sollami 2, M. Mercieca 6, L. Fenech Pace 1, H. Galea, G. Avila 18, K. Portelli, B. Zammit, P. Ellul 6, M. Camilleri, S. Fenech Pace, J. Diaby 17, A. Fenech Pace 3.
Starlites FIJO: L. De Martino, M. Riolo 8, A. Saliba, M. Sciberras, M. Zammit Cordina, S. De Martino 3, M. Fenech, A. Simmons 17, C. Cilia 6, K. Mifsud, S. Davies, C. Curmi 11.
Referees: Fiorentina Ciurariu, Julie Londono, Zvezdan Dobrosaviljevic
.
Fusion Quest………..51
ARMS Depiro……….79
(8-18)(6-21)(16-20)(21-23)
ARMS Depiro għelbu lil Fusion Quest 79-51biex ħadu t-tielet rebħa għalkemm din ma tgħoddx għall-klassifika. Bidu qawwi minn Depiro kien biżżejjed għalijhom hekk kif wara l-intervall il-logħob kien aktar maqsum. Kif mistenni, Depiro bdew tajjeb u mal-ewwel kellhom it-trippli ta’ Casey Samuels u Julia Borg biex marru 14-5 minn fuq. Il-punti ta’ Fusion f’din it-taqsima ġew kollha minn Julia Schembri b’basket u żewġ three pointers fil-waqt li Depiro kellhom ukoll il-baskets minn Nicole Agius u Emily Cassar għal skor ta’ 18-8. Fit-tieni perjodu, Depiro fetħu b’run oħra ta’ 13-0 bi trippla oħra ta’ Samuels u l-punti minn Julia Xerri u Nicole Hili. Fusion għamlu l-ewwel punti tagħhom bi trippla ta’ Natalija Pejcic però fl-intervall Depiro kienu 39-14 minn fuq.
Fit-tielet sessjoni Depiro bdew bil-punti ta’ Agius u Samuels flimkien ma’ Celine Fenech. Schembri u Agius kellhom trippla kull waħda hekk kif Fusion qasmu aktar il-logħob bil-punti ta’ Adriana Caballero u Schembri għal skor ta’ 59-30. L-aħħar taqsima kienet aktar miftuħa tant li saru 41 punt. Depiro kellhom run ta’ 10-2 bil-punti ta’ Mariah Micallef, Julianne Magri u Fenech. Fusion ukoll kellhom mument tajjeb meta kellhom it-trippli minn Pejcic u Schembri. Depiro għalqu l-partita bl-aħħar baskets minn Xerri u Cassar biex ħarġu rebbieħa 79-51.
Fusion Quest: V. Janicijevic, D. Debono, M. Mancilovic, J. Schembri 21, E. Pace, D. Apostolovska 3, T. Azzopardi Deguara 2, A. Caballero 12, J. Simic 2, N. Pejcic 11.
Depiro: N. Agius 7, J. Xerri 10, J. Magri 4, L. Duncan 2, C. Ciantar 2, N. Hili 8, C. Samuels 15, J. Borg 5, M. Micallef 10, C. Fenech 6, L. Camilleri 4, E. Cassar 6.
Referees: Fiorentina Ciurariu, Julie Londono
