L-aġent tal-midfielder Amerikan Gio Reyna, Dan Segal ikkritika lill-kowċ tat-tim nazzjonali tal-Istati Uniti wara li qal li Gio Reyna kien se jintbagħat lura d-dar qabel l-eliminazzjoni tal-Istati Uniti fil-fażi tal-aħħar sittax kontra l-Olanda.
Berhalter, il-kowċ tat-tim Amerikan qal li kien se jibgħat plejer id-dar qabel l-eliminazzjoni minħabba attitudni ħażina, bis-sit rinomat The Athletic jiżvela li dan il-plejer kien l-istilla ta’ Borussia Dortmund, Gio Reyna.
Madanakollu, l-aġent ta’ Reyna, Dan Segal qal li s-sitwazzjoni kienet ikkumplikata u kkritika lil Berhalter għal mod ta’ kif ġab ruħu fis-sitwazzjoni.
