Ilwien u spettaklu mżewqa bl-ispirtu tal-Milied.
Dan hu dak li wieħed jista’ jsib fil-ġonna tal-Palazz tal-Verdala fl-attività Illuminated Trail. Attività organizzata għall-familji f’dan il-mument tas-sena, bl-għan tagħha mhux biss ikun l-ispettaklu iżda wkoll il-filantropija hekk kif uħud mill-flus li jinġabru se jingħataw lill-Malta Community Chest Fund.
Net News tkellem ma’ Sarah Aquilina, waħda mill-Koordinaturi ta’ din l-attività fejn spjegat magħna x’hemm differenti din is-sena jekk wieħed jattendi għal din l-attività.
Din l-attività għandha għaddejja sal-bidu tas-sena d-dieħla, bl-atmosfera tibqa’ tagħti xejra differenti lill-ġnien tal-Palazz.
Biex wieħed jattendi għal din l-attività, jew jista’ jakkwista l-biljetti mal-entratura jew permezz tas-sit showshappening.com
