Bejn it-28 ta’ Mejju u t-3 ta’ Ġunju 2023, Malta se tkun qed torganizza għat-tielet darba fl-istorja it-19-il Edizzjoni tal-Logħob tal-Istati Żgħar tal-Ewropa.
Illum il-Kumitat Organizattiv tal-istess Logħob ippreżenta il-mascot ufficjali li se jintuża għal Malta2023.
Puka, il-Mascot tal-Logħob tal-Pajjizi ż-Żgħar tal-Ewropa tal-2023 kien ippreżentat uffiċjalment f’attività mtella’ mill-Kumitat Olimpiku Malti fil-Kumpless SportMalta Cottonera.
Puka, derivat tal-lampuka, il-ħuta li hija sinonima ma’ Malta, ġie ddisinjat minn The Concept Stadium. Il-kuluri vibranti li l-lampuka hija magħrufa għalihom intużaw bħala punt ta ‘tluq meta inbeda d-ddisin l-Mascot.
Il-viżjoni tal-mascot ġiet żviluppata billi ngħaqqadu flimkien elementi tal-kultura Maltija, l-enerġija tal-gżira Maltija, in-natura amikevoli tal-Maltin u l-marka ikkulurita maħluqa għal dawn il-Logħob. Din il-viżjoni żvillupat f’mascot dinamiku li jirrappreżenta u jissimbolizza l-valuri ta’ dawn il-Logħob b’mod sportiv u mod divertenti.
Dan kollu għamel riferenza għaliħ Julian Pace Bonello, President tal-Kumitat Olimpiku Malti, u Ko-President tal-Kumitat Organizzattiv tal-Logħob lokali.
Puka se jkun animat biex jirrappreżenta l-għaxar dixxiplini sportivi li ġew inklużi f’dan il-logħob – atletika, basketball, judo, rugby 7s, ibburdjar, sparar, squash, għawm, table-tennis, u tennis.
Mark Cutajar, Ko-Chairperson tal-Kumitat Organizzattiv tal-Logħob irrimarka li qed issir ħidma bla heda minn wara l-kwinti, biex jiġi żgurat li tinħoloq esperjenza memorabbli għal aktar minn elf atleta u uffiċjali li se jkunu Malta għal dawn il-Logħob. It-tnedija tal-Mascot se tkompli tiġġenera aktar interess u appoġġ għal dawn il-Logħob.
Prezenti wkoll il-Ministru għall-Edukazzjoni, l-Isport, iż-Żgħaqżagħ, ir-Riċerka u l-Innovazzjoni Clifton Grima qal li dawn il-logħob se jaqgħduna bħala pajjiż wieħed, kif wkoll Jonathan Dalli, fundatur, The Concept Stadium responsabbli mill-iżvilupp u l-idea marbuta mal-mascot ufficjali Malta2023
