Colin Schembri
ARMS Depiro…………………51
Caffè Moak Luxol…………..58
(16-16)(10-16)(12-5)(15-8)
Caffè Moak Luxol kisbu s-sitt rebħa tal-kampjonat u t-tieni waħda kontra ARMS Depiro meta għelbuhom 58-51. Għal din il-partita, Luxol kienu mingħajr Mandi Mercieca però l-coach Santino Coppa qiegħed ikompli juri fiduċja fiż-żagħżugħa Sarah Fenech Pace li kellha aktar ħin fuq il-court. Il-partita fetħet biż-żewġ timijiet jirrispondu lil xulxin fl-ewwel minuti. Luxol kellhom il-punti tas-solita Gladiana Avila flimkien ma’ Paula Ellul u Josephine Diaby fil-waqt li Casey Samuels u Julia Xerri kisbu l-punti ta’ Depiro. Xerri kellha wkoll trippla flimkien ma’ tnejn minn Samuels u oħra ta’ Nicole Agius hekk kif Depiro rnexxielhom itemmu l-ewwel taqsima 24-18 minn fuq. Fit-tieni taqsima, Depiro sabu diffikulta biex jagħmlu l-punti tant li kellhom biss ħamsa. Luxol kellhom run ta’ 15-2 bil-punti ta’ Avila u l-aħwa Sarah u Anna Fenech Pace flimkien ma’ Diaby biex daħlu jistrieħu 35-29 minn fuq.
Fit-tielet sessjoni, Depiro fetħu b’basket ta’ Claire Ciantar bil-Luxol jagħmlu disa’ punti oħra mingħajr risposta fosthom trippla minn Avila flimkien ma’ Cristina Sollami u S. Fenech Pace. Depiro kellhom mument tajjeb bi break qasir ta’ 8-2 però Luxol kienu għadhom 48-39 minn fuq fi tmiem it-taqsima. Fl-aħħar perjodu, Depiro waslu sa’ 5 punti ‘l bogħod wara punti minn Xerri. Luxol reġgħu kabbru l-vantaġġ pemezz ta’ Avila u Lisa Fenech Pace biex setgħu jikkontrollaw l-aħħar sforzi ta’ Depiro u jerbħu l-partita 58-51.
Depiro: N. Agius 6, J. Xerri 11, J. Mallia, L. Duncan 4, C. Ciantar 9, N. Hili, C. Samuels 19, M. Micallef 2, C. Fenech, L. Camilleri, J. Magri, E. R. Cassar.
Caffè Moak Luxol: C. Sollami 2, L. Fenech Pace 4, F. Camilleri, H. Galea, G. Avila 23, K. Portelli, P. Ellul 7, M. Camilleri, S. Fenech Pace 10, J. Diaby 10, A. Fenech Pace 2.
Referees: Daniella Torok, Fanny Fabok
Starlites FIJO……….91
Hibernians…………..56
(15-21)(20-11)(20-15)(36-9)
Starlites FIJO rritornaw għar-rebħ wara l-aħħar telfiet kontra Luxol u għelbu lil Hibernians 91-56. Iż-żewġ timijiet kellhom player importanti nieqsa hekk kif Starlites kienu mingħajr l-Amerikana Amelia Simmons u Hibs kienu mingħajr Ashleigh Van Vliet. Għan-nuqqas ta’ Simmons pattiet Steffi De Martino b’total ta’ 36 punt fosthom tmien trippli. Fil-fatt kienu t-three pointers tagħha li fetħu l-partita però Hibs ukoll kellhom risposta permezz ta’ Sam Brincat u Kirsty Caruana li kellhom trippla kull waħda. Wara punti minn Christina Curmi għal Starlites, Hibs kellhom mument tajjeb bi break ta’ 12-3 bi three pointers minn Caruana u Kaya Calleja biex temmew l-ewwel sessjoni 21-15 minn fuq. Starlites ma damux ma rkupraw fil-ftuħ tat-tieni perjodu hekk kif bdew bi trippla oħra ta’ De Martino flmkien ma’ Mikela Riolo. Wara li Hibs wieġbu bi tlett baskets konsekuttivi minn Julija Dabic, Iona Agius u Brincat, Starlites iddominaw il-kumplament tat-taqsima fejn kellhom run ta’ 15-3 bi trippla ta’ Andie Saliba fost l-oħrajn biex daħlu jistrieħu 35-32 minn fuq.
Wara l-intervall, Starlites kabbru l-vantaġġ għall 11 -il punt hekk kif Saliba kellha t-tieni trippla tagħha flimkien m’aktar punti ta’ De Martino u u Michela Zammit Cordina. Hibs wieġbu bi tett three pointers, 2 minn Jasmine Abela u oħra ta’ Caruana biex it-taqsima għalqet fuq skor ta’ 55-47. Fl-aħħar perjodu però l-istorja kienet differenti hekk kif Starlites kienu dominanti. Huma kellhom żewġ runs qawwija ta’ 16-0 u 20-0 b’erba’ trippli ta’ De Martino flimkien ma’ Riolo, Zammit Cordina u Maria Bonett u ż-żagħżugħa Lexi De Martino. Hibs għalqu l-partita bi trippla ta’ Calleja però kienu Starlites li ħarġu rebbieħa 91-56.
Starlites FIJO: M. Zammit Cordina 9, M. Riolo 12, A. Saliba 10, M. Sciberras, M. Bonett 4, S. De Martino 36, M. Fenech, A. Simmons, C. Cilia 4, L. De Martino 2, S. Davies 2, C. Curmi 12.
Hibernians: E. Farrugia, K. Conti, I. Agius 13, A. Legarra, S. Brincat 13, J. Abela 9, K. Caruana 12, K. Calleja 6, J. Gauchi, E. Cassar, J. Dabic 3.
Referees: Zvezdan Dobrosaviljevic, Ionut Ciurariu
