Steve Sammut, atleta li għażel li jqatta’ lejlet il-Milied jiġri, bil-għan ewlieni jkun li tingħata l-għajnuna lil dawk l-aktar fil-bżonn .
Din il-maratona kienet tfisser li ma’ kull kilometru li wettaq, persuna se jkollha platt ikel sħun quddiemha għall-Milied, li se jingħataw mill-kumpanija privata Dr.Juice.
Huwa stqarr li jinsab sodisfatt bin-numru ta’ parteċipanti f’din il-maratona u li għalkemm ma kinitx faċli, irnexxielu jlesti l-maratona għall-ġid ta’ min hu fil-bżonn.
L-ikliet se jingħataw lis-Soup Kitchen fil-Belt Valletta, entità li tgħin madwar 100 persuna kuljum li ma jkollhomx biżejjed flus biex jieklu.
Din il-maratona ttelgħat għat-tieni sena konsekuttiva hekk kif Steve diġà rnexxielu jagħti mat-80 ikla wara li fil-passat riċenti wettaq ukoll maratona simili.
