Waqt li aħna nkunu qegħdin ingawdu dan iż-żmien tal-Milied mal-familja, chefs, staff tal-kċejjen u bosta ħaddiema fl-industrija tal-catering ikunu impenjati bit-tħejjijja għall-ikliet ta’ dawn il-jumejn.
NetNews illum żar kċina ta’ lukanda fejn iltaqà ma’ chefs ffukati u dedikati f’xogħolhom. Meta tkellem ma’ NetNews ic-chef inkarigat fil-kċina, stqarr li dan iż-żmien hu wieħed stressanti fejn il-preparamenti ikunu ilhom għaddejin ftit mhux ħażin, għaliex ix-xogħol ikun fuq livell akbar minn dak ta’ matul is-sena.
Meta tkellem ma’ NetNews, chef ieħor fil-kċina stqarr li kemm jista’ jkun iħejju ħelu abbinat tradizzjonalment mal-Milied.
It-tħejjijiet f’dan il-ġimgħat jilħqu wkoll il-qofol tagħhom mhux biss fil-festa tal-Milied, iżda wkoll fl-attivitajiet li jsiru fl-Ewwel tas-sena, bil-kċejjen kemm tal-lukandi u kif ukoll tar-ristoranti joffru ikel varjat li jkun imfittex minn bosta f’dan il-perjodu.
