“Ma baqgħetx kwistjoni ta’ qbil jew le, iżda kwistjoni ta’ demokrazija fejn id-demokrazija Maltija hi mhedda”, hekk stqarr in-Nutar Mark Sammut, mistieden ta’ Robert Cremona waqt il-programm Net Live l-Erbgħa li għadda, waqt diskussjoni dwar l-emenda favur l-abort għall-kodiċi krimiali.
In-nutar spjega li dan il-Gvern qarraq bl-elettorat Malti, hekk kif il-Prim Ministru Robert Abela kien tenna li hu kontra l-abort, b’hekk qed imur kontra l-kelma tiegħu stess.
Apparti minn hekk, dan il-Gvern m’għandux il-mandat elettorli sabiex tidħol din il-liġi, għaliex qatt ma kienet mniżżla fil-manifest elettorali tiegħu u huwa għalhekk li l-bażi elettorali Laburista huma rrabjati.
Fl-analiżi li wettaq, in-Nutar Mark Sammut tenna li Robert Abela qed jiftaħ il-bieb għal-ħafna problemi għat-tobba Maltin, u li din il-liġi ma tfissirx progress għal pajjiżna, iżda rigress.
