Il-Ħadd filgħaxija tħabbret il-mewt ta’ John Tabone, persuna sinonima mal-Basketball lokali kemm bħala plejer kif ukoll bħala coach.
John Tabone twieled fit-12 ta’ Frar 1951 .Huwa Jibqa’ sinonimu ma’ Luxol Basketball Club fejn wara li fl-1967 iddebutta fil-basketball ma’ Athleta Juvenis, sena wara kien membru fundatur ta’ Luxol Basketball Club.
Lagħab ma Luxol 180 partita fi 15 il-staġun fejn rebaħ għal 13-il darba l-Kampjonat Nazzjonali, 16-il darba in-Knock Out u 7 darbiet l-MBA Shield. Fl-1979 beda karriera fil-coaching tal-basketball fejn għamel wkoll tmien snin bħala kowc tat-tim Nazzjonali bis-successi jkunu iż-żewġ midalji tal-bronż fil-Logħob tal-Pajjizi Żgħar fl-1985 f’San Marino u fl-1987 f’Monaco.
Fl-1991 rebaħ l-unur tal-Ufficjal tas-Sena fl-Għazliet Sportivi Nazzjonali.
F’April 2019 kienet l-aħħar dehra tiegħu ma’ Luxol Basketball Club wara 1000 partita bejn plejer u kowc tal-klabb.
Apparti l-basketball kien wkoll plejer u kowc tal-waterpolo ma’ Sliema Aquatic Sports Club fejn bħala kowc rebaħ il-Kampjonat fl-1983
Fis-7 ta’ Dicembru ta’din is-sena John Tabone iddaħħal fil-Hall of Fame tal-Kumitat Olimpiku Malti.
