Minn Jannar li ġej il-Fondazzjoni Alfred Mizzi flimkien ma’ Caritas Malta u Loop se tkun qed tiftaħ kċina f’Tal-Virtù li se tkun qed tqassam mal-elf ikla fil-ġimgħa għal dawk fqar.
Net News kellu l-opportunità li jitkellem ma’ Julian Sammut mill-Fondazzjoni Alfred Mizzi dwar din l-“Ikla ta’ solidarjetà” fejn spjegalna f’aktar dettal dwar din l-inizjattiva li se tkun qed twassal għadd ta’ ikliet lil dawk verament fil-bżonn.
Dawn l-ikliet ta’ solidarjetà se jkunu qed isiru grazzi għal numru ta’ vulintieri mil-kċina fir-Rabat. U issa, se jkun aktar faċli biex l-ikel jitqassam bl-aqwa mod possibbli fid-djar u fil-parroċċi. Caritas Malta ilha snin timpenja ruħha bħala entita’ favur dawk l-aktar fil-bżonn, u din l-inizjattiva hija xhieda oħra ta’ dan.
