Mara ta’ 68 sena residenti x-Xagħra, weġġgħet gravi f’inċident tat-traffiku f’Ghawdex.
Il-Pulizija ġiet infurmata bl-inċident li seħħ it-Tnejn fi Triq ir-Rabat, ix-Xagħra għall-ħabta tat-3 ta’ wara nofsinhar.
Il-mara kienet qed issuq karozza tat-tip Mazda Demio meta tilfet il-kontroll u ħabtet ma’ roundabout.
Hija ngħatat l-ewwel għajnuna minn tim mediku fuq il-post u mbagħad ittieħdet l-Isptar Ġenerali t’Għawdex b’ambulanza.
L-investigazzjonijiet tal-Pulizija għadhom għaddejjin.
