Raġel ta’ 36 residenti Ħal Qormi weġġa’ gravi wara li waqgħu fuqu folji tal-ħġieġ li kienu qed jinġarru f’garaxx il-Qrendi.
L-inċident seħħ l-Erbgħa għall-ħabta tal-10:30am ta’ filgħodu hekk kif il-Pulizija ġiet infurmata li kien seħħ inċident f’garaxx li jinsab fi Sqaq il-Mitħna, il-Qrendi.
Il-Pulizija marret mill-ewwel fuq il-post u minn stħarriġ preliminari li sar irriżulta li r-raġel sofra xi ġrieħi wara li waqgħu fuqu xi folji tal-ħġieġ li kienu qed jinġarru.
Tim mediku assista lir-raġel filwaqt li ttieħed l-Isptar Mater Dei b’ambulanza.
Aktar tard huwa ġie ċċertifikat li qed isofri minn ġrieħi gravi.
L-investigazzjonijiet tal-Pulizija għadhom għaddejjin.
