Raġel mill-Belt inżamm arrestat fuq akkużi relatati ma’ żewġ serqiet li seħħew is-sena l-oħra. Charles Cutajar ta’ 59 sena deher quddiem il-Maġistrat Joe Mifsud l-akkużat fuq żewġ akkużi ta’ serq aggravat. Cutajar kien mixli wkoll li kiser il-kundizzjonijiet tal-pleġġ li kien tpoġġa taħthom f’Mejju li għadda.
L-Ispetturi tal-Pulizija Jonathan Ransley u Roderick Agius akkużaw lil Cutajar b’serq aggravat ta’ laptop minn spiżerija f’Ta Xbiex, kif ukoll ta’ għodda minn residenza fiż-Żebbuġ. Is-serqiet seħħew f’Mejju u f’Novembru, rispettivament. L-Ispettur Ransley qal lill-Qorti li DNA misjuba fuq il-post tas-serqa ta’ Mejju qabbel mad-DNA rkuprata minn serqa tal-2017 li kienet tinvolvi lil Cutajar.
Dawn kienu jaqblu wkoll mad-DNA rkuprat mix-xena ta’ sgass f’Novembru, li kien seħħ fi żmien meta Cutajar kien kien fuq bail. L-Avukat Daniel Attard, li rrappreżenta lill-akkużat, spjega li l-klijent tiegħu kien ilu in-patient fl-Isptar Monte Karmeli minn Novembru u mistenni jibda programm ta’ rijabilitazzjoni mid-droga dalwaqt.
“Nara l-kondotta kriminali tiegħek hija ktieb tant twil li tikkompara mal-volum li kiteb Trevor Zahra,” irrimarka l-maġistrat lill-akkużat. “Ma tismax minn-nies li jippruvaw jgħinuk…Caritas, Sedqa…imbagħad tmur tisraq mid-djar tan-nies, u tikkawżalhom inkwiet u trawma.
“Il-familja tiegħek ħadmet ħafna biex taqla’ l-flus u għal xiex? Bdejt bil-marijuana, tkabbar ftit pjanti – ma naqbilx ma’ dan – imbagħad imxejn lejn il-kokaina u mbagħad l-eroina u mbagħad toħroġ tisraq,” qal il-Maġistrat Mifsud, hekk kif l-akkużat beda’ jxengel rasu bi qbil.
Il-maġistrat irrimarka li l-ġurisdizzjoni dwar kif għandha tipproċedi bir-riabilitazzjoni tar-raġel hija tad-direttur tal-ħabs, u qal li l-qorti ma kellhiex is-setgħa li tordna dan sakemm mhux bħala parti minn sentenza. “It-traffikanti tad-droga japprofittaw mill-miżerja tiegħek, jagħmlu flus li ma jdaħħlux f’kontijiet bankarji, imma jinvestu fi proprjetà u dgħajjes,” qal lill-akkużat.
Attard talab lill-Qorti biex jeħles lill-klijent tiegħu fuq garanzija, u ssuġġerixxa l-impożizzjoni tal-kundizzjoni li l-akkużat ikompli joqgħod f’Mount Carmel, sabiex jibda r-riabilitazzjoni tissawwar kemm jista’ jkun malajr. “Il-qorti għandha l-għodda…,” beda jgħid l-avukat.
“Il-qorti għandha l-għodda li jaslu biss s’issa,” interrompa l-maġistrat. “Issa se jiġi assessjat f’Kordin u huma huma li jibagħtuh għar-riabilitazzjoni]. Mhux se nagħtih il-libertà proviżorja… ma rridx li jinstab f’jum l-Ewwel tas-Sena, mejjet minn doża eċċessiva. Ma rridx hekk fuq il-kuxjenza tiegħi.”
Il-Qorti saħqet li d-direttur tal-ħabs kellu jevalwa l-kundizzjoni tar-raġel u joħroġ bi triq ‘il quddiem. Il-Qorti ma setgħetx tordna li persuna tinżamm Mount Carmel, qal il-maġistrat, li żied li l-liġi tat din is-setgħa lid-direttur tal-ħabs. “Fi 15-il jum, ikollu jerġa’ jidher il-qorti biex tibda l-kumpilazzjoni tiegħu tal-evidenza]..Ma rridx nippreġudika l-każ għal min se jisma’, ma rridx jisraq lil ħaddieħor u jien ma tridx li jieħu doża eċċessiva u jmut.”
