Inizjattiva ta’ inklussività u solidarjetà.
L-Għaqda Mużikali Immakulata Kunċizzjoni Ħamrun ilbieraħ żaret lit-tfal li bħalissa jinsabu rikoverati fl-isptar Mater Dei, fis-swali Fairyland, Wonderland u Disneyland.
Dan għamlitu bl-għan li f’dan iż-żmien ta’ festi tferraħ lit-tfal u l-ġenituri tagħhom.
L-attività saret bl-għajnuna tal-grupp Armar Festa Immakulata Kunċizzjoni, kif ukoll bl-għajnuna tal-Parroċċa tal-Immalulata mmexxija mill-Kappillan Fr. Franco Fenech.
Fuq Facebook l-Għaqda Mużikali Immakulata Kunċizzjoni tal-Ħamrun irringrazzjat lill-parruċċani kollha li għażlu li jagħtu rigali minn tagħhom sabiex jitqassmu ma’ dawk li għaddejjin minn mument diffiċli.
