Illejla, fl-10pm fuq Net Television, se jixxandar l-aħħar Replay Preview tas-sena 2022. F’dawn iż-żmien ta’ festi, il-programmi kollha ta’ Replay ħadu pawsa, bl-uniku programm li baqa’ jixxandar hu dak tal-Ġimgħa filgħaxija, Replay Preview. Anke din is-sena, it-tim tal-produzzjoni ta’ Replay ħa ħsieb li jipproduċi edizzjoni speċjali fit-tmiem ta’ sena oħra ta’ futbol lokali, u li tiġbor fiha dak kollu li seħħ matul it-12-il xahar tal-2022.
Is-sena li qed toqrob lejn it-tmiem tagħha, kienet waħda partikolari u li tagħtna l-ferħ, diżappunti u sfortunatament mumenti ta’ dieqa ukoll. B’differenza mis-snin ta’ qabel, din id-darba Replay se jkun qed iwassal servizz interessanti u li kien maħdum b’reqqa kbira, dwar dawk li skont il-produzzjoni ta’ dan il-programm kienu l-akbar ħames stejjer tal-2022 fil-futbol Malti.
Liema taħsbu li kienu dawn l-istejjer? U liema taħsbu li kienet l-akbar storja li kelna fl-2022 fil-futbol lokali?
Se nkunu nafu llejla, f’Replay Preview li jibda fl-10pm fuq Net Television.
Illejla ukoll, waqt l-istess programm se tingħata l-aħħar tislima lill-eks plejer Brażiljan, Pele li miet il-bieraħ filgħaxija.
