Raġel ta’ 40 sena residenti Birkirkara qed isofri minn ġrieħi wara li waqa’ minn fuq il-mutur li kien qed isuq għall-ħabta tal-għaxra ta’ filgħodu fi Triq Burmarrad, San Pawl il-Baħar.
Fil-post issejħet l-assistenza tal-Pulizija u ta’ tim mediku fejn wara li tawh l-ewwel għajnuna, ir-raġel ittieħed l-Isptar Mater Dei għal iktar kura. Hemmhekk hu ġie ċċertifikat li sofra ġrieħi gravi.
L-investigazzjonijiet mill-Pulizija għadhom għaddejjin.
