Raġel ta’ 40 sena residenti Tas-Sliema qed jissielet għal ħajtu wara li ttajjar minn karozza fi Triq l-Indipendenza, il-Furjana.
L-inċident seħħ għal ħabta ta’ 12:00pm hekk kif il-Pulizija marret immedjetament fuq il-post. Ftit tal-ħin wara ttieħed l-Isptar Mater Dei b’ambulanza fejn ġie ċċertifikat li qed isofri minn ġrieħi serji.
Mill-ewwel stħarriġ irriżulta li r-raġel intlaqat minn Skoda Fabia, li kienet qed tinstaq minn raġel ta’ 76 sena residenti l-Gudja.
Il-Maġistrat tal-Għassa Lara Lanfranco ġiet infurmata bil-każ u ħatret inkjesta.
L-investigazzjonijiet mill-Pulizija għadhom għaddejjin.
