Koppja anzjana qed isofru minn xi ġrieħi wara li karozza nqalbet rasha ‘l isfel fi Triq Reġjonali, f’San Ġiljan.
L-inċident seħħ għall-ħabta tas-2:30 ta’ waranofsinhar.
Pulizija tad-distrett marru fil-post fejn mill-ewwel stħarriġ irriżulta li l-karozza kienet misjuqa minn raġel ta’ 75 sena residenti Tas-Sliema filwaqt li miegħu kien hemm passiġġiera, mara ta’ 76 sena wkoll residenti Tas-Sliema.
Tim mediku mill-Isptar Mater Dei waslu fil-post fejn wara li tawhom l-ewwel għajnuna ħaduhom l-Isptar għal iktar kura.
Il-kundizzjoni tagħhom għadha mhix magħrufa.
