Il-film ġdid Avatar: The Way Of Water – li hu s-sequel għall-film Avatar li kien ħareġ fl-2009, jinsab fl-ewwel post fil-lista tal-Box-Office f’Malta.
Dan ifisser li f’temp ta’ sittax -il ġurnata minn mindu beda jintwera fiċ-ċinema f’Malta, dan il-film ġdid irnexxilu jaqbeż il-film Top Gun: Maverick, kif ukoll Jurassic Wold: Dominion (3D).
Warajh isegwi l-film Top Gun: Maverick u fit-tielet post fil-lista insibu Minions: Rise of Gru.
Il-film Avatar: The Way Of Water – li kien ilu mistenni għal snin – qed jintgħoġob ħafna mill-udjenzi. Tant hu hwekk li hu kkonfermat bħala wieħed minn tliet produzzjonijiet biss li daħħlu biljun dollaru għal din is-sena, biż-żewġ films l-oħra jkunu Top Gun: Maverick u Jurassic World Dominion.
