Internazzjonali

Iċ-Ċina: Tiftaħ mill-ġdid għat-turisti minkejja l-ispinta fil-każi tal-Covid

8 ta' Jannar 2023
Travelers wearing face masks with their luggage head to the immigration counter at the departure hall at Lok Ma Chau station following the reopening of crossing border with mainland China, in Hong Kong, Sunday, Jan. 8, 2023. Travelers crossing between Hong Kong and mainland China, however, are still required to show a negative COVID-19 test taken within the last 48 hours, a measure China has protested when imposed by other countries. (AP Photo/Bertha Wang)

Iċ-Ċina reġgħet fetġet il-fruntieri għat-turiżmu minn barra għall-ewwel darba mindu l-pajjiż impona r-restrizzjonijiet għall-ivvjaġġar f’Marzu tal-2020, waqt l-ewwel mewġa tal-Covid-19. It-turisti li qed jaslu fiċ-Ċina, issa, mhumiex se jkollhom aktar bżonn ta’ kwarantina, bl-iżvilupp jimmarka bidla kbira fil-politika lokali għat-trażżin tal-Covid fost spinta ta’ infezzjonijiet f’dan il-pajjiż.

It-turisti xorta se  jeħtieġu jagħtu l-provi ta’ PCR test negattiv li jittieħed fi żmien 48 siegħa qabel il-vjaġġ iżda d-deċiżjoni taċ-Ċina biex tiftaħ mill-ġdid għall-barranin intlaqgħet tajjeb minn ħafna li ilhom ma jaraw lil qrabathom.

Fil-ġimgħat li ġejjin mistenni li kważi nofs-miljun ruħ jivvjaġġaw minn Hong Kong lejn iz-zoni fiċ-ċentru taċ-Ċina u meta diġà bdew is-sriebet twal tan-nies biex jaqbdu titjiriet lejn l-ibliet ewlenin bħal Beijing u Xiamen.