Il-President ta’ Malta se jorganizza l-erbatax-il edizzjoni ta’ Festa Ċitru; bit-tnedija issir f’attività mal-istudenti ta’ EkoSkola, tal-kulleġġ De La Salle fil-masġar taċ-ċitru tal-Palazz San Anton.
Waqt din l-attività….. għal darba oħra se jinbiegħ larinġ, lumi u frott ieħor taċ-ċitru maqtugħ kemm mill-ġardinar u kemm mit-tfal tal-iskola mill-ġonna tal-Palazz. Dan apparti kejkijiet u ħelu magħmul mil-larinġ, bil-fondi kollha jmorru għal The Malta Community Chest Fund.
Karmenu Muscat, il-ġardinar tal-Palazz spjega li fiż-żona tas-siġar tal-Palazz wieħed jista’ jsib mas-600 siġra taċ-ċitru, bil-maġġoranza tagħhom ikunu tal-larinġ.
Il-President George Vella minn naha tieghu ħeġġeġ biex it-tfal jieklu l-frott taċ-ċitru, bħala sors ta’ Vitamina Ċ.
Il-President appella lill-pubbliku sabiex jattendi, għaliex mhux biss hija esperjenza għall-familja kollha iżda ukoll kontribut għal The Malta Community Chest Fund.
Din l-attività se tkun qed issir nhar il-Ħadd li ġej, 15 ta’ Jannar fil-Kitchen Garden, fĦ’Attard, mill-10am ‘il quddiem.
