Persuna kellha tittieħed b’urġenza l-Isptar Mater Dei wara li kienet involuta f’inċident tat-traffiku fi Triq Sarria fil-Furjana.
Bil-każ il-Pulizija ġiet infurmata għall-ħabta tas-13:50 meta daħal rapport li kienet seħħet ħabta bejn xarabank u vettura misjuqa mill-vittma fl-akwati tat-traffic lights li hemm biswit il-Fosos tal-Furjana.
Fil-post ġew imsejħa minnufih uffiċjali tal-Pulizija li kkontrollaw it-traffiku kif ukoll membri mid-Dipartiment tal-Protezzjoni Ċivili li ħarġu lis-sewwieqa mill-vettura.
Ġie msejjaħ ukoll tim mediku tal-ambulanzi li ħadu lill-persuna li kienet qed issuq il-vettura l-isptar għal aktar kura.
Filwaqt li fortunatament l-ebda passiġġier tax-xarabank ma ndarab, il-kundizzjoni tal-persuna involuta għadha mhux magħrufa.
