Huwa Filippin ta’ 17-il sena residenti San Pawl il-Baħar, ir-raġel li dalgħodu ttajjar minn vettura fi Triq Tul il-Kosta, in-Naxxar.
Iż-żagħżugħ ingħata l-għajnuna minn tim mediku, ittieħed l-isptar Mater Dei b’ambulanza u ġie ċċertifikat bi ġrieħi gravi.
L-investigazzjonijiet mill-Pulizija għadhom għaddejjin.
Aktar kmieni:
Aktar kmieni dalgħodu, raġel ittieħed l-isptar Mater Dei wara inċident li seħħ fi Triq Tul il-Kosta n-Naxxar, direzzjoni lejn Pembroke.
Net News hu nfurmat li r-raġel ittieħed l-isptar b’ambulanza wara li ttajjar minn vettura tat-tip Mazda Demio, misjuqa minn mara t’34 sena, residenti l-Mellieħa.
Il-kundizzjoni tar-raġel għadha mhix magħrufa.
Aktar kmieni:
Ftit tal-minuti ilu ttajret persuna f’Baħar iċ-Ċagħaq fil-limiti tal-iSplash & Fun.
Skont informazzjoni li għandna jidher li l-persuna intlaqtet minn vettura, iżda s’issa għadha mhux magħrufa l- identità u lanqas il-kundizzjoni tagħha.
L-inċident seħħ għall-ħabta tat-8:15 ta’ dalgħodu.
Aktar dettalji hekk kif jaslulna.
