Is-sena li għaddiet ġabet magħha temp xott u xemxi għall-Gżejjer Maltin. Bl-2022 tkun it-tieni l-aktar sena xotta fl-aħħar 10 snin, fejn kienu imkejla 368 millimetru ta’ xita, u bl-għola temperatura tkun dik ta’ 39.2 gradi celcius.
Mejju, Lulju, Settembru u Novembru, kienu fost l-aktar xhur imxarrbin aktar mill-medja, filwaqt li x-xhur l-oħra tas-sena pproduċew anqas xita min-norma klimatika. Bix-xhar ta’ Frar ikun wieħed mill-aktar xotti li qatt esperjenza pajjiżna, skont l-Uffiċju Meteoroloġiku.
Skont l-Ufficcju Meterjologiku, it-temperaturi li ġew reġistrati fl-ewwel erba’ xhur tas-sena, jiġifieri, fix-xhur ta’ Jannar, Frar, Marzu u April, kienu aktar kesħin mill-medja, bl-ewwel tliet xhur tas-sena jkollhom jum wieħed li fih niżel is-silġ.
Ix-xahar ta’ Jannar ġab miegħu l-aktar temperatura baxxa rreġistrata tas-sena 2022, dik ta’ 4.2 gradi celcius.
Fix-xahar ta’ Mejju t-temp qaleb għal wieħed sħun u xemxi, hekk kif it-temperatura massima kienet dik ta’ 31.2 gradi celcius li kompliet tiela’ fix-xahar ta’ Ġunju, bl-ewwel u l-unika mewġa ta’ sħana li laqtet lill-gżejjer Maltin.
Is-sena għalqet bix-xahar ta’ Diċembru jkun xemxi u aktar sħun mill-medja, bit-temperatura tal-arja medja tkun 1.7 gradi celcius ogħla min-norma klimatika – bis-sigħat xemxin jammontaw għal 197 minflok in-norma ta’ 166 siegħa.
