Colin Schembri
Fusion Quest………..33
Hibernians……………72
(6-24)(10-17)(6-16)(11-15)
Hibs irritornaw għar-rebħ meta għelbu lil Fusion Quest 72-33. Għal coach Sandro Farrugia kienet okkażjoni biex jutilizza l-players kollha tiegħu fosthom diversi players żgħażagħ.Hibs bdew il-partita bi break ta’ 10-0 fosthom trippla ta’ Kirsty Caruana flimkien ma’ Iona Agius u Julija Dabic. L-ewwel punti ta’ Fusion ġew wara 4 minuti minn Tiziana Azzopardi Deguara qabel ma Hibs għamlu run oħra ta’ 11-2 fosthom trippla ta’ Kaya Calleja u l-punti ta’ Dabic u Agius biex temmew l-ewwel sessjoni 24-6 minn fuq. It-tieni taqsima fetħet bil-punti fuq kull naħa jekk kif Fusion bdew jiksbu aktar baskets minn Denica Apostolovska u Marija Momcilovic. Għal Hibs kien hemm it-trippla ta’ Sam Brincat, Jasmine Abela u Calleja biex daħlu jistrieħu 41-16 minn fuq.
Wara l-intervall, Fusion kellhom trippla minn Momcilovic però l-kumplament tat-taqsima kien f’idejn il-Hibs li għamlu run ta’ 12-1 li b’Agius ikollha erba’ baskets flimkien m’oħrajn minn Caruana u Dabic għal skor ta’ 57-22. L-aħħar sessjoni kienet l-aktar waħda bilanċjata fejn għal ħin twil iż-żewġ timijiet wieġbu lil xulxin. Għal Fusion kien hemm aktar punti minn Momcolovic flimkien ma’ Milica Stefanovic u Natalija Pejcic. Hibs kellhom żewġ trippli oħra minn Calleja flimkien ma’ Kelly Conti, Dabic u Agius biex rebħu l-partita 72-33.
Fusion Quest: T. Azzopardi Deguara 2, J. Londono 7, D. Debono, M. Momcilovic 12, 4, J. Schembri, M. Stefanovic 2, D. Apostolovska 3, A. Caballero, J. Simic, N. Pejcic 7.
Hibernians: K. Conti 3, I. Agius 14, S. Brincat 3, J. Abela 9, K. Caruana 5, K. Calleja 16, J. Gauchi, E. Cassar 4, J. Dabic 17.
Referees: Fiorentina Ciurariu, Gianfranco Russo
ARMS Depiro……………53
Starlites FIJO…………….78
(8-26)(18-24)(9-12)(18-16)
Starlites FIJO kellhom rebħa komda fuq ARMS Depiro 78-53 fejn it-team ta’ Charles Bonnici ddomina sa’ mill-ewwel minuti. Depiro żammew il-pass sal-ewwel żewġ minuti meta l-iskor kien għadu 6-5 favur Starlites. Minn hawn ‘l quddiem, kien hemm id-dominju ta’ Starlites li kellhom run qawwija ta’ 20-3. Huma kellhom diversi punti mill-Amerikana Amelia Simmons flimkien ma’ Maria Bonett, Mikela Riolo u Steffi De Martino, bit-tlett punti ta’ Depiro jiġu minn trippla ta’ Nicole Agius għal skor ta’ 26-8. Fit-tieni taqsima, Depiro daħlu aktar fill-partita però kellhom isofru l-insistenza ta’ Starlites bil-punti ta’ Simmons, Christina Curmi u trippla ta’ De Martino. Starlites għaqqdu l-50 punt bi three pointer ta’ Riolo qabel ma Depiro għamlu l-aħħar punti tas-sessjoni minn Casey Samuels, Laura Camilleri u Agius biex fl-intervall Starlites kienu 50-26 minn fuq.
Fit-tielet sessjoni l-punti naqsu fuq iż-żewġ naħat. Starlites bdew bil-punti ta’ Simmons qabel ma Depiro kellhom trippla ta’ Samuels flimkien ma’ basket minn Julia Xerri. Starlites komplew b’sitt punti mingħajr risposta biex temmew il-perjodu 62-35 minn fuq. Fl-aħħar sessjoni, l-partita kienet deċiża u ż-żewġ coaches taw spazju lil players żgħażagħ fejn Starlites fetħu bi break ta’ 8-0. Depiro wieġbu permezz ta’ Jasmine Mallia u Julianne Magri flimkien ma’ sensiela ta’ free-throws minn Claire Ciantar u trippla ta’ Agius. Andie Saliba wkoll għamlet trippla għal Starlites li baqgħu sejrin biex rebħu l-partita 78-53.
ARMS Depiro: N. Agius 13, J. Xerri 2, J. Mallia 2, L. Duncan, C. Ciantar 9, N. Hili 3, C. Samuels 10, J. Borg 5, N. Borg 2, L. Camilleri 2, J. Magri 3, E. Cassar 2.
Starlites FIJO: M. Zammit Cordina 1, M. Riolo 12, A. Saliba 4, M. Sciberras, M. Bonett 6, S. De Martino 9, M. Fenech 2, A. Simmons 28, C. Cilia, K. Mifsud 2, S. Davies 3, C. Curmi 11.
Referees: Zvezdan Dobrosaviljevic, Ivica Simic.
