L-istilla tal-mużika pop Robbie Williams se jkun f’pajjiżna fis-Sajf li ġej fejn se jwassal kunċert fuq il-Fosos tal-Floriana.
Dan il-kunċert se jsir fl-24 ta’ Awwissu li ġej, u huwa parti mit-tour tiegħu li matulu qiegħed jiċċelebra 25 sena mindu beda l-karriera bħala solista. It-tour se jinkludi wkoll kunċerti fl-Asja u l-Awstralja.
Dan il-kunċert se jiġi organizzat minn greatt u NNG Promotions.
Robbie Williams kien beda l-karriera tiegħu fis-snin Disgħin meta kiseb fama kbira meta kien parti mill-grupp popolari Take That. U wara, għamel suċċess personali bħala kantawtur.
Fost is-suċċessi l-kbar tiegħu hemm il-kanzunetti ‘Come Undone’, ‘Advertising Space’, ‘Angels’ u ‘Let Me Entertain You’.
