Fil-Knisja Parrokkjali ta’ Ħal Kirkop, is-Sibt filgħodu ingħatat l-aħħar tislima lil Nardu Camilleri – l-anzjan li sfortunatament tilef ħajtu meta seħħet splużjoni fil-Kamra tan-Nar ta’ San Ġużepp, f’Novembru li għadda.
Magħruf bħala “Iż-Żurrieqi”, Camilleri kellu passjoni kbira għall-piroteknika, hekk kif hu l-eks licensee tal-Kamra tan-Nar ta’ San Ġużepp, f’Ħal Kirkop.
Quddiem bost membri tal-għaqdiet ta’ Ħal Kirkop, il-Kappillan tal-Knisja Parrokkjali, Fr Martin Cardona, iddeskriva lil Nardu bħala bniedem bilgħaqal, twajjeb u mimli mħabba lejn in-nies ta’ madwaru.
Fr Martin Cardona fakkar ukoll, li Nardu kien bniedem b’fidi kbira lejn Alla u li hu għalhekk li kien bniedem eżemplari għal dawk ta’ madwaru. Il-funeral intemm b’korteo.
Preżenti għall-funeral tiegħu kien hemm id-deputati tal-Partit Nazzjonalista, Jerome Caruana Cilia, Tony Bezzina u Stanley Zammit.
