Anzjan ta’ 73 sena qed isofri minn ġrieħi gravi wara li ttajjar minn karozza l-Marsa.
L-inċident seħħ il-Ħadd għall-ħabta tad-9:00 ta’ filgħaxija fi Triq Patri Magri l-Marsa.
Mill-ewwel stħarriġ irriżulta li l-anzjan intlaqat minn vettura tat-tip Toyota misjuqa minn żagħżugħ ta’ 21 sena residenti Ħal Tarxien.
L-anzjan ingħata l-għajnuna minn tim mediku, ittieħed l-isptar Mater Dei b’ambulanza u ġie ċċertifikat li sofra minn ġrieħi gravi.
L-investigazzjonijiet tal-Pulizija għadhom għaddejjin.
