Missier ta’ seba’ itfal li allegatament hedded lil martu billi poġġa sikkina ma’ għonqha nhar il-Ħadd li għadda baqa’ miżmum taħt arrest preventiv wara li wieġeb mhux ħati tal-akkużi kriminali miġjubin kontrih meta tressaq il-Qorti quddiem il-Maġistrat Astrid May Grima.
Isem ir-raġel li qal li jaħdem għal rasu bħala kaħħal u li għandu ta’ 42 sena, ma jistax jissemma biex tiġi protetta l-identità tal-allegata vittma u t-tfal tagħhom. Huwa spiċċa arrestat wara li l-mara rrappurtat li żewġha allegatament poġġa sikkina ma’ griżmejha waqt argument nhar.
L-inċident seħħ ġewwa l-flat ta’ Birkirkara tal-koppja Libjana għall-ħabta tas-2pm. Huwa ġie skortat il-Qorti, mixli li kkaġuna lil martu biża’ mill-vjolenza fir-rigward tagħha, kif ukoll li insulenta u heddidha. L-avukati tiegħu talbu l-libertà proviżorja, bl-argument li l-akkużat jista’ joffri indirizz alternattiv u kellu rabtiet stabbli f’Malta, wara li ilu jgġix Malta għal 24 sena.
Madankollu, it-talba kienet oġġezzjonata bil-qawwa kollha mill-Posekuzzjoni fid-dawl tan-natura serja tal-allegat reat kif ukoll il-fatt li xhieda ċivili, inkluża l-allegata vittma, kienu għad iridu jixhdu. Wara li semgħet is-sottomissjonijiet fuq il-libertà proviżorja, il-Qorti, ċaħdet it-talba, u żammet lill-akkużat taħt arrest. L-Ispettur Omar Zammit mexxa l-Prosekuzzjoni. L-avukati Franco Debono u Tiziana Micallef kienu l-avukati difensuri.
