F’San Francisco, raġel jinsab arrestat wara li seba’ persuni nqatlu f’żewġ sparaturi relatati f’razzett tal-faqqiegħ u kumpanija tat-trakkijiet f’komunità kostali f’din il-belt.
Uffiċjali qalu li erba’ persuni nqatlu fir-razzett u tlieta fin-negozju tat-trakkijiet fil-periferija ta’ Half Moon Bay, belt madwar 30 mil fin-Nofsinhar ta’ San Francisco.
Il-pulizija arrestat lil Zhao Chunli ta’ 67 sena b’rabta mal-isparatura. Mill-ewwel stħarriġ li sar, għadu mhux ċar kif il-postijiet huma relatati, għalkemm huwa maħsub li s-suspettat kien jaħdem għal wieħed min-negozji.
