Kien l-għarus ta’ Pelin Kaya li identifikaha bħala l-vittma tal-inċident fil-Gżira fejn hu pprova jaqbadha l-ewwel darba bil-mobile, iżda hi ma kinitx qed tirrispondih. Huwa ġie Malta ftit tas-sigħat biex jiċċelebra magħha għeluq sninha. Sadanittant xhieda qalu wkoll li meta l-akkużat Jeremie Camilleri beda jwaddab il-ġebel lil Kaya hekk kif hija kienet wiċċha l-isfel ma’ l-art mitlufa minn sensiha. Sar magħruf ukoll li l-inċident seħħ fis-1.06 am.
Ħareġ ukoll li siegħa qabel l-inċident l-akkużat kellu xi jgħid mat-tfajla tiegħu fejn qalilha li huwa psychopath u li huwa ta’ unur għalih li huwa persuna kriminali u li l-għada kienet se tisma’ fuqu fuq l-aħbarijiet. Dan qalu b’messaġġ li bagħat lit-tfajla permezz ta’ voice message, li l-akkużat ħassar imma li l-Pulizija rnexxielhom jintraċċaw.
Dan l-istess kliem huwa qalu lill-Pulizija meta arrestawh fejn qalilhom ukoll ġibu tat-TVM fuq il-post ħalli jġibu l-każ. Minn xhieda fl-inkjesta ħareġ ukoll li Camilleri beda jwaddab il-ġebel lil dawk li kienu fil-qrib u li hu beda’ jgħid, “now watch me fight the police” (arawni issa niġġieled lill-Pulizija”.
Dan ħareġ mix-xhueda ta’ l-Ispettur Kurt Zahra hekk kif bdiet l-kumpilazzjoni tal-provi quddiem il-Maġistrat Rachel Montebello fil-konfront ta’ Jeremie Camilleri ta’ 33 sena, residenti Ħal Lija hekk kif qed jiffaċċja akkużi tal-qtil ta’ ċittadina Torka Pelin Kaya. Camilleri qed jiġi mixli bil-qtil tal-mara wara li saq il-karozza tiegħu għal ġo fiha, b’liema karozz spiċċa biex ħabat f’ristorant tal-fast food fil-Gżira aktar kmieni dan ix-xahar.
Preżenti fl-awla il-familja ta’ Kaya fosthom ommha Çiçek. Kif intemmet is-seduta u Camilleri beda jitmexxa mill-Pulizija ‘l barra mill-awla, membru tal-familja tal-vittma instemgħet tgħidlu “mur inħaraq fl-infern.” Raġel li jiġi mill-vittma, li deher irrabbjat – kien qed jinżamm sew minn membri tal-familja tiegħu stess biex iwaqqafuh milli jattakka lill-akkużat. Omm Pelin imbagħad ħassa ħażin.
Aktar kmieni llum, Çiçek żaret il-post fejn inqatlet u fejn kienet taħdem Kaya. Camilleri kien instab ukoll pożittiv għad-droga kokaina fil-ħin tal-inċident u xhieda preżenti kienu qalu li saħansitra tefa’ xi ġebel lejn il-ġisem tal-mara wara li ħareġ mill-karozza tiegħu. Camilleri kellu jiġi kkontrollat permezz ta’ taser gun minn uffiċjali tal-Pulizija qabel ma ġie arrestat wara li sar aggressiv magħhom u ma’ nies fil-qrib.
Huwa qed jiġe akkużat bi qtil volontarju u mhux qtil involontarju kif jiġri f’każijiet oħra ta’ inċidenti tat-traffiku bi spettur tal-Pulizija jgħid fil-Qorti hekk kif tressaq li dan kien “mhux sempliċi inċident tat-traffiku iżda omiċidju volontarju”.
Kien għall-ħabta tas-1am ta’ nhar l-Erbgħa, 18 ta’ Jannar li Camilleri kien qed isuq karozza BMW sewda tiegħu u laqat lil Pelin Kaya ta’ 30 sena, waqt li kienet miexja fi Triq Testaferrata fil-Gżira fis-1am. Kaya, li kienet taħdem bħala “interior designer” kienet għadha kif ċċelebrat għeluq sninha mal-ħbieb u kienet miexja lura d-dar. Camilleri, li qal lill-Qorti li ma jaħdimx, wieġeb mhux ħati tal-akkużi.
Jeremie Camilleri li nżamm arrestat qed jiġi mixli b’14-il akkuża, bl-aktar waħda gravi tkun l-omiċidju ta’ Pelin Kaya, ta’ 30 sena. Camilleri jinsab akkużat ukoll li kkaġuna feriti gravi fil-konfront tal-vittma, li kkaġuna ħsara fil-ġisem tagħha, ikkaġuna ferita ħafifa fuq ċertu John Muscat u persuni oħra, għamel ħsara f’pompa tal-petrol, u li saq karozza b’mod perikoluż f’post pubbliku meta kien taħt l-effett tad-droga u xorb alkoħoliku.
Huwa qed jiġi mixli wkoll li attakka uffiċjali pubbliċi bi vjolenza, ma obdiex l-ordnijiet leġittimi tal-Pulizija, kellu fil-pussess tiegħu d-droga kokaina u s-sustanza Diazepam u li kiser ordni ta’ probation. Camilleri kien qed isuq karozza tal-għamla BMW meta tajjar lil Pelin Kaya, waqt li kienet miexja.
L-ewwel xhud kien l-Ispettur Kurt Zahra li qal kien ġie infurmat b’inċident tat-traffiku fi Triq Testaferrata għall-ħabta tas-1:05am tat-18 ta’ Jannar, li ħalla mara fil-periklu tal-mewt. Ir-rapport inizjali kien jgħid li s-sewwieq kien ħareġ ukoll mill-vettura u tefa’ l-ġebel u l-vittma u dawk li kienu fil-qrib.
Dawk li wieġbu għall-emerġenza kienu infurmawh li l-mara kienet mitlufa minn sensiha u fil-periklu li tmut. Is-sewwieq ġie arrestat mir-Rapid Intervention Unit. Fuq il-post: “Osservajt BMW X6 li kellha l-parti ta ‘quddiem tagħha ġewwa l-KFC. Parti mill-vettura kienet fuq il-puġġaman.
“Ħġieġ u terrapien spostati ma’ kullimkien mill-ħabta kienu ħdejha.” Zahra qal li wara li mar fuq il-post irrealiżża li dan kollu li kien seħħ fi Triq l-Imsida u mhux Testaferrata. Innota wkoll par żarbun (sneakers) li kienu tal-vittma, li dak iż-żmien kien għadha mhux identifikita,
Ix-xhud qal li-Uffiċjali tax-Xena tar-Reat waslu fuq il-post u ħadu ritratti tax-xena bħala evidenza. Tenna li innota ġakketta, mowbajl u pakkett tas-sigaretti mimdudin fit-triq. “Dawn kienu importanti għax wara rriżultaw li huma tal-vittma.”
Il-ġakketta u oġġetti oħra indikaw il-post fejn il-vittma kienet ġiet mitfugħa bl-impatt. Il-Pulizija tkellmet ma’ xhieda li kienu fuq il-post. Kaya sussegwentement ġiet identifikata mill-għarus tagħha, li kien wasal Malta ftit sigħat qabel biex jiċċelebra għeluq sninha magħha.
Waqt li kien fi triqtu biex jiltaqa’ magħha, iltaqa’ ma’ dawk li marru mill-ewwel fuq il-post mill-Korp tal-Pulizija, li kienu mblukkaw it-triq. Huwa qalilhom li t-tfajla tiegħu ma kinitx qed twieġeb il-mobilde tagħha. Intalab jerġa’ jċempelha u l-mowbajl li kien fl-art ħdejn il-vittma kien beda jdoqq, qal l-ispettur.
Beda jagredixxi lil diversi persuni
Sewwieq li kien se jimla t-tank tal-petrol fl-istazzjon ta’ Paul and Rocco, qal lill-Pulizija li kien ra l-BMW taħbat mal-istabbilment KFC. Ma kienx nduna lil ħadd ġie mtajjar mill-karozza iżda qal li s-sewwieq tal-BMW kien ipprova jaggredih waqt li qagħad bilqiegħda fil-karozza tiegħu.
Xhud ieħor li jaħdem f’ħanut fil-qrib kien ukoll ġie aggredit mill-akkużat fejn dan tah daqqa ta’ ponn. Meta reġa’ f’sensih, għalaq ix-shutter u mar iċ-ċentru tas-saħħa għall-kura. It-tielet xhud, mara, ukoll ingħatat daqqa f’rasha mill-akkużat. Wara ressqet rapport fl-għassa tal-Imsida.
L-Ispettur qal li x-xhieda kollha li semma kienu taw rakkonti ġuramentati lill-Maġistrat inkwirenti, uħud iffilmjaw ukoll lill-akkużat, hekk kif wadda il-ġebel lil Pelin Kaya, li kienet wiċċha ’l isfel mal-art. “Ix-xhieda qalulna li Camilleri kien qed jidgħi lill-vittma u meta waslu l-RIU u l-paramediċi beda jgħajjat: “Arawni niġġieled mal-Pulizija”.
Meta waslu l-Pulizija, Camilleri ma osservax l-ordnijiet tagħhom u kellu jiġi tasered. il-Pulizija ġabret filmati CCTV minn ħwienet fil-viċin u ndunat li għall-ħabta tas-1:05am il-BMW ta’ Camilleri nqabad jinstaq lejn Triq Testaferrata minn Tas-Sliema.
“Il-veloċità dehret moderata. It-triq hija dritta.” Pelin kien miexja minn Triq l-Imsida lejn Tas-Sliema. “Waqt li kienet fuq il-bankina. Hawn tidher il-BMW tibdel id-direzzjoni u tidħol fuq Kaya Pelin minn fuq u tfarrak xi oġġetti oħra.” Sussegwentement minn fuq is-CCTV jidher Jeremy Camilleri, bl-akkużat, joħroġ minn din il-BMW u jattakka lil dawk li kienu fil-qrib.”
Ix-xhud kompla jgħid li wara Camilleri qasam it-triq wara li ħareġ mill-karozza biex attakka lil dawk li kienu fil-qrib. Wieħed minnhom ta daqqa ta’ ponn lura lil Camilleri u waqqah mal-art. Meta ġara dan, Camilleri jidher mill-ġdid jaqsam it-triq, jiġbor il-brikks u ġebel, kemm kbir kif ukoll żgħir u jibda jitfagħhom lejn il-vittma u dawk li kienu fil-qrib.
Wieħed mill-persuni fil-qrib jidher li jintlaqat fuq wara, qal l-Ispettur. Minbarra li ġabret il-filmati tas-CCTV, il-Pulizija marru fir-residenza ta’ Camilleri f’Ħal Lija. Inqabdu wkoll filmati tas-CCTV minn hemm. Huwa jidher jitlaq madwar tmien minuti qabel il-qtil.
Imbagħad jinqabad fuq l-ispeed camera tal-bypass ta’ Birkirkara. Huwa kien qed isuq 75.8km is-siegħa f’żona ta’ 60km fis-siegħa qal l-Ispettur. Cameras oħra fil-Gżira u fl-Imsida qabduh ukoll isuq b’veloċità moderata. Il-BMW tiegħu hija reġistrata għand omm Camilleri. Il-multi għall-eċċess ta’ veloċità ġew regolati minnha ftit wara li nħarġu. Meta Camilleri ddaħħal l-isptar, għamel ċerti affermazzjonijiet li kienu ta’ interess, qal l-Ispettur. “Jeremy Camilleri qal lit-tabib li ried iweġġa’ lil xi ħadd”
Psiokopatiku u kriminal kburi
L-Ispettur Zahra kompla jgħid li Camilleri kien iltaqa’ mat-tfajla tiegħu qabel l-inċident u kellu argument. Siegħa qabel l-inċident, huwa kien bagħtilha messaġġ bil-vuċi li qal li kien “psikopatu” u “kriminal kburi” u qalilha li l-għada se jkun fuq l-aħbarijiet.
Il-filmati tal-bodycam tal-uffiċjali tal-Pulizija li kienu qed arrestaw urewh jitlobhom biex iġibu TVM fuq il-post, qal l-Ispettur. “Malli ġie arrestat, jgħid l-istess ħaġa li kien qal lit-tfajla tiegħu.” Camilleri kien ħassar il-voice message, iżda l-investigaturi kienu rnexxielhom jirkuprawha.
L-imputat kien ittieħed l-Isptar Mater Dei u fil-11:45am kien ġie ċċertifikat li hu tajjeb għall-interrogazzjoni. B’dak iċ-ċertifikat f’idejhom il-Pulizija etgħet tinterroga lis-suspettat, huwa qal. Camilleri ġie interrogat fil-Kwartieri Ġenerali tal-Pulizija u mbagħad ittieħed fir-residenza tiegħu biex ikun preżenti għat-tfittxija tal-Pulizija.
L-Ispettur qal lill-Qorti li l-mowbajl ta’ Camilleri ġie rkuprat mid-dar tiegħu f’Ħal Lija. Omm Camilleri ġiet interrogata mill-Pulizija. Hija għażlet li ma twieġebx ħafna mill-mistoqsijiet, qal l-Ispettur, iżda kkonfermat li l-BMW intużat mill-akkużat.
Camilleri talab għall-avukat Alfred Abela, li kien preżenti għall-interrogazzjoni tiegħu flimkien mal-avukat Renè Darmanin. “Urejtu filmati mill-KFC, li juru lill-vittma, wiċċha ’l isfel mal-art mitlufa minn sensih u l-akkużat jidħol fil-qafas jiġġieled ma’ nies fil-qrib qabel ma beda jitfagħlha l-ġebel,” qal l-ispettur.
Camilleri ma weġibx mistoqsijiet dwar dan. L-Ispettur Zahra kien staqsa jekk il-vittma kellhiex xi relazzjoni mal-akkużat. L-aqwa ħabiba tal-vittma qalet lill-Ispettur li sa fejn kienet taf, Pelin ma kienitx tafu. L-aqwa ħabiba akkumpanjat lil Pelin lura d-dar wara l-festa ta’ għeluq sninha.
Il-vittma u s-suspettat kienu ġejjin minn postijiet differenti meta ltaqgħu ma’ xulxin. L-uniku post fejn it-tnejn interaġixxew kien meta Camilleri ħarab lil Pelin u qatilha. L-Avukat Shazoo Ghaznavi għamel il-kontro-eżamina lill-Ispettur. Huwa staqsa dwar it-tfigħ bil-ġebel. Minn fejn ħareġ dan? “Dan joħroġ minn xhieda li xehdu fl-inkjesta kif ukoll minn filmati tas-CCTV li juruh qed jagħmel dan.”
L-akkużat kienet qed jaġixxi b’mod aggressiv u kien qed jidgħilhom lilhom u lill-vittma, jgħidilha ‘fuck you’”. Xhieda qalu lill-pulizija li l-akkużat kien qed jgħid dak il-kliem hekk kif kien qed jitfa’ l-ġebel lejn Pelin hekk kif din kienet mitlufa minn sensiha mal-art.
Uffiċjal tal-RIU kien it-tieni xhud li jmiss fejn kien mistoqsi x’kien l-involviment tiegħu fl-inċident. “Rċevejna telefonata mill-kamra tal-kontroll dwar inċident fejn il-KFC ħdejn Paul u Rocco.” “Meta konna fit-triq ġejna infurmati mill-kamra tal-kontroll li x’aktarx kien hemm fatalità u li xi ħadd kien qed jitfa’ brikks.”
Ix-xena kienet “kjass shih” huwa qal. Camilleri kien qed jgħid lil dawk li kienu fil-qrib “arawni niġġieled mal-Pulizija.” Filwaqt li ħa pożizzjoni tal-boxing. Imbagħad ittieħdet id-deċiżjoni li kellu jintuża t-taser u ttieħed taħt arrest. “Naf li l-karozza kienet BMW u n-numberplate tibda PSG, għax l-akkużat kien qed jgħajjat kemm-il darba ‘Paris San German’.
“Ried jiġġieledna, iżda aġixxejna b’mod professjonali u arrestajnih. Hawn l-vuċi tax-xhud inkisret bl-emozzjoni hekk kif jiddeskrivi kif qed jipprova jgħin lill-ekwipaġġ tal-ambulanza. “Imma kien għal xejn,” huwa qal wara li kkalma lilu nnifsu. Heddidna,” qal ‘Se nsibkom meta noħroġ’, “fejn huma ta’ TVM, zobbi u nejk”, u beda jiftaħar li kien għadu kif qatel persuna u se jkun famuż.”
Wiċċha miksi bid-demm
Ix-xhud qal li wiċċ il-vittma kien miksi bid-demm, “Lanqas kont naf jekk kienx raġel jew mara għall-ewwel.” “L-ekwipaġġ ta ‘l-ambulanza ppruvaw ippruvaw kemm setgħu, iżda kien għal xejn. Deher li hija kienet diġà ħallietna,” huwa qal.
Hemmhekk dawk li kienu fil-qrib beżgħu mill-akkużat, u qalu lill-Pulizija li kien aggredihom, fakkar. Meta wieġeb mistoqsija mill-Qorti qal li hu kien ra biss lil Camilleri jaġixxi b’mod aggressiv lejn il-Pulizija. “Kulħadd kien qed jibża minnu u kien hemm brikks kullimkien.
“Għidt lill-kollega tiegħi fil-karozza biex joqgħodu attenti,” qal ix-xhud. Bonnett staqsih dwar it-tasering: “Għednilu biex jikkalma diversi drabi. Darba, darbtejn, tliet darbiet, kompla juri sakemm tqabbad it-taser. Anke wara li kien immanettjat baqa’ jheddidna, qalilna li kien se jsibna.
Il-Qorti tistaqsi lix-xhud kif kien indirizza lill-akkużat. “Indirizzajtu b’ismu. Għidtlu d-drittijiet tiegħu, u s-surġent tiegħi għamel l-istess.” Mistoqsi mill-Avukat Ghaznavi x’kien il-kliem tal-akkużat lejhom, huwa wieġeb. “Fejn huma TVM zobbi u nejk, irrid inkun famuż.” Dan kien il-kliem preċiż tiegħu, qal l-uffiċjal, li qal ukoll li kien hemm mumenti meta beda jitkellem waħdu.
Għal protesti mill-bank tal-Prosekuzzjoni, l-Avukat Abela reġa’ staqsa lix-xhud, ripetutament għax uża l-kliem ‘mhux normali’ fil-mistoqsijiet tiegħu. Ghaznavi hawn staqsa lix-xhud xi jfisser bi “mhux normali”. Mhux normali li persuna tavviċinani tgħajjat ‘arani niġġieled mal-Pulizija’.
Huwa daħal fl-ispazju personali tiegħi, inqas minn metru bogħod.” Uffiċjal ieħor tal-Pulizija tal-RIU kien ukoll mgħajjar biex jixhed. Huwa qal li waqt li qed jistenna l-ambulanza, Camilleri kien qed jistaqsi fejn huma ta’ TVM għax ried ikun famuż.
“Qalli wkoll li snienu jaqtgħu ħafna. Waqt li konna ġewwa l-ambulanza, qalli li kien qed jimmemorizza wiċċi biex ikun jista’ jsibni wara.” Kienet inġabret folla ta’ nies fil-qrib, huwa qal. Kienu aġitati b’dak li kienu raw. Uffiċjali tal-pulizija tad-distrett kienu qed ikellmuhom.. “Kienu viżibilment ippanikjati.
L-avukat difensur Alfred Abela wara għamel il-kontro-eżamina lix-xhud. Huwa staqsa f’liema lingwa kienet l-ittra tad-drittijiet li qrat lill-akkużat. “Ma niftakarx.” 10 minuti wara l-arrest tiegħu, l-akkużat baqa’ jaġixxi b’mod stramb, ikkonferma x-xhud.
L-Ispettur Kurt Zahra għarraf lill-qorti li l-uffiċjal kien l-aħħar xhud għal-lum. L-Avukat Abela qal li f’dan l-istadju ma kinitx se ssir l-ebda talba għal pleġġ Il-każ ġie differit għal nhar il-Ħamis 9 ta’ Frar fil-11:15am. L-Ispettur Kurt Zahra qed imexxi l-Prosekuzzjoni bl-għajnuna tal-avukati tal-AĠ Kaylie Bonnett u Nathaniel Falzon.L-avukat Shazoo Ghaznavi qed jirrappreżenta l-familja tal-vittma. Fl-awla, li hija ċkejkna, hemm numru sostanzjali ta’ nies mill-komunità Torka. Gġall-akkużat qed jidhru l-Avukati Alfred Abela u Renè Darmanin.
